[atyia]

المشاركة الأصلية كتبت بواسطة الفاتح محمد

[align=center]
السلام عليكم ورحمة الله وبركاته
اخواني الاعزاء وحشتوني جدا ودي اول مشاركه ليا بعد فتره طويله من الانقطاع ولكن كان في البدايه انقطاع لظروف صحيه صعبه و بعد ذلك بسبب ظروف العمل لاني تقريبا معظم الوقت مش في مصر ولكن فعلا وحشتوني و ان شاء الله اتمني اني ارجع لمنتداي العزيز و الوحيد تاني.
بالنسبه لموضوع الغلاء في مجموعة امور عايز اثبتها معاكو اولا و هي ان فعلا الاسعار في مصر هي من ارخص الاسعار في العالم في السلع الاساسيه طبعا مش بتكلم عن الموبايل و الدي في دي و الكلام ده انما قصدي الاكل والشرب و المياه و الكهرباء ومصر ارخص من كل الدول العربيه و معظم الدول الاوروبيه.
تاني حاجه الغلاء في العالم ده موجه قويه جدا و اكيد كلكم سمعتو عن المصايب الموجوده في امريكا بسبب الموضوع ده و طبعا بما ان معظمنا مش عايش هناك فا مش حاسين بالوضع ولكن الناس هناك ابتدت تعاني مع اختلاف الظروف وطريقة الحياه بين مصر وامريكا.
تالت حاجه دول عربيه زي الامارات اللي تعداد سكانها الاماراتيين مليون بالعافيه و يمكن اقل وعلي الرغم من كده الناس هناك ملهاش حديث الا الغلاء في كل نواحي الحياه و في احصائيات بتقول ان غالبية الوافدين هناك اصيبو بحالات نفسيه بسبب جنون الاسعار تراوحت بين اكتئاب وقتي الي اكتئاب مزمن وحاله من فقدان التوازن.
رابع حاجه ودي لازم كلكو تعرفوها ان لو الحكومه في مصر بتسرق فكل حكومات العالم بتسرق واكتر من مصر الفرق ان مثلا دخل مصر والامارات تقريبا واحد فلو الحكومه هناك سرقت نص الدخل النص الباقي مكفي الناس وفايض ومش عارفين يعملو بيه ايه لانهم مليون انما احنا لو الحكومه سرقت ربع الدخل فا الباقي مش هيكفي اي حاجه ولا اي حد.
خامس حاجه ان للاسف في ناس كتير في مصر مش راضيه بحالها واكتر حاجه مصر كانت متميزه بيها و لما فقدتها كل حاجه باظت هي رضي الناس كان جدك و جدي راضيين و عايشين و سعدا مهما الظروف كانت قاسيه انما دلوقتي لو واحد معندوش دش و ريسيفر وموبايل يبقي معدم و في ناس مرتبها 300 جنيه ومعاهم موبايل او كل املهم انهم يحوشو تمن الموبايل ابو كاميرتين وبعدين يشتكو من غلاء الاسعار.
يا جماعه انا واحد من مصر وعلي الرغم من ان الحمد لله ربنا كارمني و عندي وظيفه تؤمن لي حياه كريمه الا اني اتلسعت من غلاء الاسعار لاني مسئول عن اسره مكونه من سبع افراد ولكن انا رايي ان اذا كان في مشكله في حكومتنا فا احنا فينا نفسنا الف مشكله و اهمها اننا بعدنا عن دينا وعن اصولنا الجميله وكل واحد فيكو يسئل ابوه و امه مهما كان مستواهم الاجتماعي كانو بياكلو كام مره لحمه في الاسبوع وكانو بيستهلكو بكام تليفونات و كانو مبسوطين ازاي.
ومشاكل الحكومه مش هتتحل بعصايه سحريه لازم احنا اللي نحلها ونصبر شويه.
واخر حاجه عايز اقولها ان الهند والصين عندهم اعداد اكتر من مصر مية مره و عندهم كمان اقتصاد وتقدم دلوقتي اكتر من امريكا و فيهم فلوس ملهاش عدد و الهنود اشترو مصانع العربيات الانجليزي و علي الرغم من كده في مناطق بالكامل محرومه من المياه و الكهرباء واكتر من 25% من الشعب عراه وبينامو في الشوارع وبياكلو ورق شجر ودي حاجات شفتها بعيني و ربنا شاهد عليا.
لو كل واحد فينا صبر و لم يشتكي قلة الرزق هنلاقي الرزق كتير ومكفي و ده كلام ربنا سبحانه وتعالي و كلام سيدنا محمد صلي الله عليه و سلم مش كلامي انا.
اللهم بلغت اللهم فاشهد
[/align]

[align=CENTER][table1="width:95%;"][cell="filter:;"][align=center]
وعليكم السلام ورحمة الله وبركاته
أولا أسمحلي أقولك ألف حمد الله علي السلامة(شفاك الله وعفاك) ونحمد الله أخي الحبيب علي عودتك بالسلامة
ثانيا الناس في الأمارات أصيبوا بحالات نفسية من أرتفاع الأسعار وأصيبوا بفقدان الأتزان وفي ناس هنا أصيبت بفقدان للحياة
ثالثا أنت أتكلمت في نقطة خطيرة للغاية ( أتمني يكون بحسن نية ) وهي تبرير الفساد وأنه في فرق بين اللي يسرق نص البلد واللي يسرق ربعها(السرقة هي السرقة)
رابعا أنت ازاي عايز الناس ترضي بحالها وهي لا تستطيع شراء الزيت والسكر والسلع الأساسية بأنتظام بينما تري في الفضائيات وعلي أرض الواقع أناس يعيشون في قصور وشاليهات وشرم ومارينا
خامسا فعلا مشاكلنا مش هتتحل بعصا سحرية بس لو دي حكومة محترمة كانت أستقالت من زمن زي ما بيحصل في بلد محترم
سادسا زي ما حضرتك اتكلمت عن موضوع الصين والهند والزيادة الرهيبة في عدد السكان في ظل تقدم تكنولوجي
ليه بقي وجعوا دماغنا بتحديد النسل وأنه السبب في أرتفاع نسبة البطالة
وأخيرا شكرا علي الرد المميز للغاية
[/align][/cell][/table1][/align]

[روح طفلة]

[align=center]
ياجماعة الخير مش في مصر غلاء الأسعار بس حتى عندنا في الخليج كل شي ارتفع الى الضعف ولسه كمان رايح يرتفع

لذا طالبت الشعوب الخليجية حكامها برفع الرواتب وبالفعل قطر رفعت الى 100%

وعلى حذوها مشت الكويت ثم البحرين فالسعودية الى 15%

لكن هى موجه على جميع سكان العالم ليست على مصر فحسب ...

ورزقي جاي جاي مافي احد يقدر ياخذه منى اي كانت قوته ...
[/align]

[atyia]

شكرا علي المشاركة الجميلة يا روح

شـكــ وبارك الله فيك ـــرا لك ... لك مني أجمل تحية .

[aboamira]

موفق بإذن الله ... لك مني أجمل تحية .

[بدر الدجى]

موضوعك مميز عطية -موفق بإذن الله ... لك مني أجمل تحية وطبعا هناك فرق بين ان الاسعار ترتفع وانت دخلك قادر على استيعاب الزيادة دى وبين انها ترتفع وانت مش قادر تشترى يعنى هنا الزيادة يعنى توقف للحياة انما برة الزيادة بتزعلهم بس