[master.ms]

حــــــمار أبو ســـلمان

يسلاااااااااااااام .... الجو جميل على الصبح لما اقوم اتمشى وسط الزرع اكلى شوية حشيش على كام زرعة الملمهم بشلاضيمى أقصد شفايفى من كام غيط اعدى عليهم ، أهو بقى ، اصل اللفندى صاحبى .. مصحيش لحد دلوقت .. هو مش افندى ولا حاجة ده عم أبو سلمان الفلاح الغلبان اللى بيزرع غيط عم عبد الجبار الراجل التخين ابو كرش واسع إللى كل ما اشوفه اجرى استخبى احسن يفكر يركبنى . ماهو انتو متعرفوش عم عبد الجبار ده ، هو يا جماعة صاحب اغلب الارض اللى بتنزرع فى البلد ومش عاوز اقول كلها ، لان الحمد لله فيه ناس بردو عندها بتاع قيراطين ولا اكتر فى البلد . ودول بردو ليهم احترامهم . هم يعنى كده اصحاب ارض ، أمال ايه .
الغريبة ان الناس بيقولو لبعض يا حمار .. صحيح انا لما بسمع الكلام ده بفتخر بكونى حمار بس كمان مستغرب .. هم عاوزين يرفعوا نفسهم لمستوانا ليه . طيب دا احنا بنتعلم من أول مرة يا جماعة وكمان بنسمع الكلام ؛ فلو قالى عم ابو سلمان شى بمشى على طول ، ولو حملنى اطنان طول النهار بشتغل . بس لوجيتوا للحق الراجل ممنعش عنى حزمة برسيم واحده ولا شوية فول .. قال يعنى بيعلفنى . ماهو شوية الفول عندنا هى البروتين زى اللحمة بالضبط . يعنى الراجل مش بيقصر معايا . لانى مقصرتش معاه . طيب هتقولوا لما هو مقصرش معاك رايح غيط الناس تاكل زرعهم ليه . بس ده بقى كلام يزعل ... يعنى هو انا معنديش دم .. انا شايف عم ابو سليمان تعب قوى اليومين دول وعم عبد الجبار ماصص دمه ودم أهله وقال يعنى عشان مخليه يشتغل عنده مطلع عين اللى مخلفينه وبدا يمنع عنه حاجات كتير والراجل اصلا مقصرش معاه وبيعمل اللى عليه ، ده حتى شوية القمح اللى بيطلعوا من نصيبه اتعلم يمنعهم عنه ، وقال ايه مفيش قمح طب مفيش ازاى وهو اللى زرعه ، والله حاجة تمخول .. انا مش عارف اللى بيحصل مع الناس اليومين دول .
عارفين لو كانوا حمير زينا كانو لقيوا اللى يأكلهم ... مش كده ولا أيه !!!!

بقلم .... Master

[mhmdrshdy]

[align=center]
عبد الجبار طلع جبار قوي على على الفلاح .... وسبحان الله الفلاح البسيط مش بياكل حق الحماااااااااااااااااار (؟؟؟؟؟)
بس المشكله كلها في عبد الجبار لانه واكل الارض كلها بتاعة البلد روح يا عبد الجبار ربنا ياخدك ويريحنا
ويأتي مكانك حمار ثاني انظف مع الاعتذار للحمار
[/align]

[master.ms]

المشاركة الأصلية كتبت بواسطة mhmdrshdy

[align=center]
عبد الجبار طلع جبار قوي على على الفلاح .... وسبحان الله الفلاح البسيط مش بياكل حق الحماااااااااااااااااار (؟؟؟؟؟)
بس المشكله كلها في عبد الجبار لانه واكل الارض كلها بتاعة البلد روح يا عبد الجبار ربنا ياخدك ويريحنا
ويأتي مكانك حمار ثاني انظف مع الاعتذار للحمار
[/align]

شكرا على مشاركتك أبو محمود بس عبد الجبار متبت جامد

[روح طفلة]

الله يعينك ياحمار ابو سلمان

ويبارك لك في عمرك وفي رزقك وانبسط

وخلي شعارك دائما


فلها وربك يحلها


مشكور قوى ياماستر ,,

تحياتى ؛؛؛

[master.ms]

المشاركة الأصلية كتبت بواسطة روح طفلة

الله يعينك ياحمار ابو سلمان

ويبارك لك في عمرك وفي رزقك وانبسط

وخلي شعارك دائما


فلها وربك يحلها


مشكور قوى ياماستر ,,

تحياتى ؛؛؛

فلها وربك يحلها

هو صحيح الكلام ده
بس مينفعش مع عمو عبد الجبار
دا عاوز مصيبة تاخده

شكرا مرورك الكريم