| القسم العام للتاريخ قسم عام للمواضيع التاريخية بغض النظر عن المكان و الزمان قسم شامل |
 |
 |
بطلوا تقولوا.. ماتقولش إيه إدتنا مصر..؟! تحقيق: هبة أمين بعد أن إنتصرنا ... هل إنكسرنا ؟ بعيدا عن أصحاب الحناجر الرنانة.. ودون الدخول في تفاصيل وأحداث الدم والأرض والحرب والسلام.. بعيدا عن كل الديباجات والمقدمات والنتائج.. بعيدا عن كل هذا توجهنا إلي الشباب تلك الأجيال الجديدة التي لم تر بعينها الدماء المنسابة علي أرض سيناء.. ولم تسمع صرخات أرامل وأمهات الشهداء لأنها ببساطة لم تعاصر الحرب.. لم يسمح لها عمرها أن تكون متواجدة في تلك الفترة الزمنية. ماذا لو تعرفنا علي حرب أكتوبر في أعين ذلك الجيل الذي لم يعاصر سوي الجوع والفقر والبطالة والأزمات الاقتصادية الطاحنة. ماذا يعرفون عن الحرب وماذا تمثل لهم.. وهل هناك علاقة أساسا بينهم وبينها..؟! أسئلة تعرف إجاباتها علي لسانهم عبر السطور المقبلة: حالة وانتهت..!! هكذا بدأ «علي السيد» أولي نظم معلومات حديثة قال عبارته وصمت.. وكاد أن يدير لي ظهره فاستوقفته بسرعة قائلة. يعني إيه..؟! بسخرية ظهرت علي ملامح وجهه قال.. إحنا كده يا مصريين أحسن حاجة بنعملها في حياتنا هي البكاء علي الأطلال.. وأسهل حاجة عندنا نقولها هي إحنا عملنا وسوينا الهوايل.. حاجة تشبه كده الأهرامات وحضارة الـ4000 سنة.. كل ما ننزنق نقول إحنا ولاد الفراعنة اللي عملوا وبنوا طيب إحنا بقي عملنا إيه هي دي فكرة حرب أكتوبر.. كل سنة في نفس التوقيت يقولوا انتصرنا وربينا الإسرائيليين ويذيعوا لنا في التليفزيون أفلاما وأغاني حفظناها.. طيب إحنا دلوقت فين وعملنا إيه ووصلنا لغاية فين مفيش.. كل حاجة واخدين فيها صفر بالضبط زي صفر المونديال.. بطالة وفقر واغتصاب وحوادث وبلاوي.. وأسعار مولعة نار وتعليم بايظ وعلاج فاشل كبروا دماغكم بقي وسيبوكم من الماضي وذكرياته.. وانسوا الأغنية اللي بتقول.. ماتقولش إيه إدتنا مصر.. قول هندي إيه لمصر..؟! خلاص ماعدش ينفع.. لأ من حقنا نقول إدتنا إيه مصر علشان نديها.. إحنا جيل مظلوم.. بقولك إيه كفاية كده علشان أنا مخنوق زهقان وطهقان.. وقريب أوي ههاجر من البلد دي..تركني «علي السيد» بعد أن أصابني بحالة من حالات الشجن والحزن وتركت لقدمي العنان في السير محدثة نفسي بأشياء كثيرة كانت نهايتها أنه لا تعليق..!! استوقفتني تلك الفتاة التي تقترب من الـ 25 من العمر وقفت شاردة أمام محل لبيع الملابس عندما اقتربت منها عرفت أنها تعمل بائعة فيه.. سألتها نفس السؤال: ماذا تعني لك حرب أكتوبر؟ قالت لي عندما أسمع كلمة أكتوبر أتذكر علي الفور كلمة «العك» في كتب التاريخ والتناقض الكثير بين كلام الناس المشاهير اللي شوية يقولوا إنها كانت حاجة كويسة والتانيين يقولوا تمثيلية وانتصار علي الورق بس. قلت لها.. وانت بتميلي إلي أي رأي..؟! بصراحة.. مش بفرح بالهيصة اللي بتتعمل كل سنة علي انتصاراتنا في أكتوبر ولما بشوف حال العرب وتحديدا الفلسطينيين واللي بيجري لهم بقول إن السادات فرط في حقنا وفي حق كل العرب.. والحقيقة أنا ماعنديش تفاصيل لأني في النهاية مش بفهم أوي في السياسة لكن أنا حاسة إن الرأي ده هو الأقرب لقلبي «بس»!! شلة أصحاب واقفين بيهزروا أمام مول طلعت حرب بوسط البلد.. اقتربت منهم وسألتهم فكانت إجاباتهم كالتالي دون حذف أو مبالغة. انتصرنا وخلاص.. وأهم حاجة إن مفيش حرب ولو تتكرر إحنا مش قدها ولا قد إسرائيل.. علشان كده أنا بحب السادات أوي هو السبب في السلام. كل اللي أعرفه عن الحرب هو أغنية الله أكبر بسم الله بسم الله.. وحكاية الضربة الجوية الأولي وخلاص. انت واجعة دماغك ودماغنا ليه.. ما الناس انتصرت وخلاص خلينا في حال البلد دلوقت.. أنا شايف إن اللي إحنا فيه دلوقت هو ألعن من هزيمة 1967.. إسرائيل وأمريكا بيعملوا فينا اللي هم عايزينه ونبي بلاش توجعي دماغنا أصلها متكلفة ومش ناقصة هَمْ كفاية اللي إحنا فيه. البلد دي مش حنينة علينا.. زي القطة بالضبط اللي بتاكل ولادها وفاكرة إنها بتحميهم.. عارفة أغنية إيمان البحر اللي بتقول «يا بلدنا يا بلد هو من امتي الولد بيخاف من أمه لما في الضلمة تضمه» صدقينا إحنا خايفين من مصر وتصدقي كمان إحنا كفرنا بكل حاجة.. حتي الانتماء ماعدش عندنا.. ساعات أقعد مع نفسي وأقول الحل في الاحتلال.. يمكن يغيرنا أو ينقلنا يمكن أمريكا أو حتي إسرائيل لو احتلونا حالنا يتغير. تحولت وقفة الشباب إلي نكد.. ارتسم الحزن والوجوم علي وجوههم.. فقررت أن أغادرهم لعلي أجد بارقة أمل عند آخرين.. لعل وعسي!! بنوتة حلوة لابسة بادي من بتوع اليومين دول وبنطلون جينز ضيق برضه علي موضة العصر.. كانت تقترب من فتح باب سيارتها الفخمة وقبل أن تركب سألتها.. فأجابتني.. أنا ماحضرتش الحرب.. أنا سني صغيرة أوي لكن بابي دايما بيقول إنها كانت نقلة وانتصار كبير في حياة مصر ودايما بيدعي للسادات إن ربنا يرحمه لأن هو اللي عيشنا في رخاء وانفتاح وعمل سلام بينا وبين إسرائيل. لا أعرف لماذا سألتها عن فكرة التطبيع بين مصر وإسرائيل؟ أجابتني.. أنها سمعت هذه الكلمة في فيلم السفارة في العمارة وتعاطفت أوي مع داليا البحيري وعادل إمام وإنها ساعات بتتفرج عن الطلبة زمايلها في الجامعة الأمريكية اللي بيكتبوا عن إسرائيل والعلاقات معاها. استأذنت في الانصراف بعد أن جاءها تليفون خاص جدا علي محمولها..!! بالون كبير منفوخ أصلا.. ولا يحتاج إلي المزيد من النفخ حتي لا ينفجر في وجه الجميع. هكذا شبه ياسين محمد ياسين «23 عاما» حرب أكتوبر المجيدة ثم أكمل حديثه قائلا.. صحيح أن الحرب أعادت هيبة هذا الشعب أمام العالم بعد 1967.. لكن ما لحقناش نفرح.. كامب ديفيد اغتالت الفرحة.. أبويا الله يرحمه جت له ذبحة صدرية لما سمع بزيارة السادات للكنيست وقال آه.ه.ه..! فينك يا جمال..!! قبل مايموت من سنتين حكي لي القصة والحدوتة وفهمني يعني إيه سفارة إسرائيلية في مصر بتطل علي نيلنا العظيم!! أنا لقيت اللي يفهمني وبحاول أفهم أصحابي لكن ماحدش في دماغه أساسا.. لقمة العيش والفقر حاصر الجميع فخلاهم دايرين زي التيران في ساقية!! اتنين مخطوبين أو مرتبطين ولد وبنوتة ماشيين في شارع عبدالخالق ثروت في حالة من حالات الرومانسية سألناهم فأجابونا بضحك.. إحنا في إيه ولا في إيه.. أكتوبر إيه وبتاع.. إيه.. إحنا مشغولين أوي دلوقت بالشقة.. يا تري نتجوز في شقة إيجار جديد حتي ولو أودة وصالة ولا مش هنعملها خالص..!! تحياتى كوين
__________________ (يقول أرك مبتسما تغنى وكم يحتاج مثلك للبكاء ........... وما تدرى بأن بكائى صعب واكبر من دموعى كبرياء)  | | |||
|
[align=center][table1="width:70%;background-image:url('http://forum.egypt.com/arforum/mwaextraedit2/backgrounds/25.gif');border:9px double blue;"][cell="filter:;"][align=center] برافوووووو كوين موضوع هايل جدا انا حضرت حرب أكتوبر وكنت قائدا لوحده من الوحدات كانت مكلفه بمهمه مستحيله لم يقدر لنا تنفيذها لاسباب مختلفه ولكن صدقينى يابنيتى كانت حربا مجيده بكل مافى هذه الكلمة من معانى كنا جميعا نحمل ارواحنا على راحاتنا ولم نكن لنبخل بها فى سبيل الوطن كانت كل امنياتنا هى ان نقضى على هذا العدو ثم نعود لامهاتنا وزوجاتنا واهلنا منتصرين لكى نستقر ونسعد بحياتنا وننجب من الابناء من يخلفنا ليكمل مسيرتنا وانا واثق تمام الثقه ان هذا نفسه هو شعور ابنائنا ضعيهم فى نفس الظروف التى كنا نحن فيها ستجدينهم يضحون بكل ماهو غالى ورخيص فداءا لوطنهم بنيتى كانت ايامنا كلها كفاحا متصلا ولم يكن بها كل هذه البهرجه وكنا ايضا نعانى معاناة شديده ولكن صدقينى يابنيتى كانت اياما مجيده دمت لى [/align][/cell][/table1][/align]
__________________    ادكـــــــــــــــــــاوى | | |||
|
استاذ ادكاوى اشكرا جدا على تشريفك للموضوع وشكرا للمعلومات القيمة وتوضيح هذه النقاط المهمة لنا دمت بالف خير ولك منى الف تحيه
__________________ (يقول أرك مبتسما تغنى وكم يحتاج مثلك للبكاء ........... وما تدرى بأن بكائى صعب واكبر من دموعى كبرياء) | | |||
| اميرة البحر
|
موضوع رائع فعلا والاروع رد استاذي العزيز ادكاوي دمتي بكل خير وتقبلي مروري اميرة البحر
__________________  | | |||
|
__________________ اتحمل عذابك حبيبى ولا اتحمل فراقك اتحمل عتابك حبيبى ولا اتحمل وداعك | | |||
|
| مواقع النشر |
| العبارات الدلالية |
| أكتوبر, الشباب, عيون |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التعليمات | قائمة الأعضاء | التقويم |
/New%20Folder/1oo7q6e879g7.gif)
العرض العادي
