[welmac]

طبعا كتير منا سمع عن كتاب كلمتنا فى الرد على اولاد حارتنا للكاتب الشيخ رحمه الله عبدالحميد كشك
هو بيؤكد فيه الحاد الاديب نجيب محفوظ سامحه الله او بمعنى ادق لاسامحه الله
الاستاذ نجيب محفوظ نال جائزة نوبل عن رواية اولاد حارتنا لكن لم يعلن انه تلقى الجائزة عن هذه الرواية وقالوا وقتها انه نال الجائزة عن الثلاثية او عن مجموع اعماله وفى كتير جدا شوفتهم على كتير من المنتديات بيناصروا نجيب محفوظ
وشايفين ان اولاد حارتنا عادية جدا وليس فيها ما يسىء الى الاديان لذلك اثارت فى هذه الاراء الغيرة على الاسلام والله مش على الاسلام بس على كل اديان والمقدسات التى انتهكها محفوظ فى كتابه
طبعا انا عارف ان كتير منكم قروا الكتاب بس اكيد فى كتير لم تتح لهم الفرصة لقراءته خاصة انه كتاب ممل ومش شايف فيه مايستحق نوبل الا انه تطاول على الاديان المهم هانستعرض مع بعض الكتاب
اولا الكتاب بيصور الانبياء والملائكة الكرام والله سبحانه وتعالى فى صورة عائلة مجموعة من الفتوات والعائلة تتكون من:-
الجبلاوى ويرمزبه الى الله سبحانه وتعالى وتعالوا نشوف
وجدنا هذا لغز كبير وعمره فوق ما يطمع الانسان ان يعيش حتى ضرب المثل به وهو اصل حارتنا وهو رجل لايجود الزمان بمثله وفتوة تهاب الوحوش ذكره وكنت ومازلت لا امل من ذكره وكم حملنى ذلك على الطواف ببيته الكبير
يعنى اعتقد اللى مفهمش يفهم
وبعدين يبتدى يحكى حكايات حارتنا واولاد حارتنا والمقصود بهم الانبياء المكرمين
ادهم وجبل ورفاعة وقاسم وعرفة
اما اولاد الجبلاوى فهم
ادهم ويرمز به الى ادم ابو البشرية طبعا
ادريس يرمز به الى ابليس لعنه الله
اما رضوان وجليل وعباس هم الملائكة المكرمين
لنسمع تلك القصة استشهد بها على كلامى
فجمع ابناءه جميعا ثم اخذ نفسا عميقا وقال ارى من المستحسن ان يقوم غيرى بادارة الوقف
تاكدوا جميعا ان ابليس اقصد ادريس الابن الاكبر هو المرشح لهذا المنصب
فجاة قال لقد اخترت اخيكم ادهم لادارة الوقف
فقال ادريس يا ابى ولك
رد الاب ولكن
غضوا جميعا الانظار الا ابليس فقال لكننى الاخ الاكبر
قال اظن اننى اعرف فانا الذى انجبتك
فقال ادريس للاخ الاكبر حقوق لا تهضم الا بسبب
فقال الاب لقد راعيت فى اختيارى مصلحة الجميع
فقال ادريس انا واخواتى ابناء هانم من خيرة النساء اما ادهم فابن جارية سوداء
المهم طبعا فهمنا بسم الله الرحمن الرحيم (واذ قلنا للملائكة اسجدوا لآدم فسجدوا الا ابليس ابى واستكبر)
ثم حادثة قتل قدرى ابن ادهم لاخيه همام ( قابيل وهابيل)
طبعا انا مش عايز احكيلكوا الكتاب انا بس باستعرض الحاد اديب نوبل الاديب العالمى نجيب محفوظ
وعلشان الكتاب حوالى 250 صفحة مش هاينفع استعرض احداثه بالتفصيل
كفاية اقولكم كل واحد من اولاد حارتنا ودليل على رمزه
بعد ادهم ندخل على جبل ويرمز به الى موسى عليه السلام
ال حمدان ويرمز لهم الى بنى اسرائيل
ال حمدان مظلومين ومقهورين والفتوات والناظر يزيد ظلمه يوما بعد يوم
ويظهر جبل الذى تربى فى بيت فرعون اقصد الافندى
بقوته وعدله ليهزم الفتوات ويخلص الحارة من الشر طبعا بقا فى وسط الكلام ده هايجيبوا ازاى كلم
الجبلاوى جبل من وراء ستار سور الحديقة فى البيت الكبير الذى اعتزل فيه الجبلاوى الناس وقرر الوحدة
وازاى قدر يهزم السحرة والتعابين ويقضى على شر التعابين يعنى برضه والله اللى مفهمش يفهم
ثم نذهب الى رفاعة ويرمز به الى عيسى عليه السلام
وطبعا صوره على نفس صورة سيدنا عيسى
الرجل المسالم الروحانى الذى يعالج الناس من الامراض المستعصية
وبرضه قتله على يد اعدائه
ثم ختم كلامه عليه بان الجبلاوى قام بنقل الجثة من الحارة الى داخل البيت الكبير
ونصل الى قاسم ويرمز به الى ابا القاسم رسول الله محمد صلى الله عليه وسلم
وكيف نشا يتيما ثم كيف تعرف على السيدة قمر التى تزوجته رغم انها اغنى منه وساندته
وعلاقته بصادق( الصديق ابى بكر) وحسن ابن عمه ( على ابن ابى طالب) وهجرته الى حارة اخرى ثم عودته ومسامحته لاهل حارته الذين اهانوه المهم برضه الموضوع باين قوى
المشكلة انه كان بيصور الانبياء على انهم فتوات
بشربوا حشيش وخمور والحياة لذيذة يعنى ناقص يقول انهم كان بيـــ ولا بلاش احسن
اما الكارثة الحقيقية فهى فى الابن الاخير عرفة نسبة الى المعرفة والعلم
العلمانية يعنى كان عايز يقول ان احنا خلاص بقى عندنا من العلم ما يمكن به ان نستغنى عن الاله
او عن الجبلاوى ثم قصة موت الجبلاوى عن طريق عرفة
ثم رسالة الجبلاوى الى عرفة اللى بيقوله فيها جدك راضى عنك
ده على الاساس انه ريحه بقا من هموم الناس
المشكلة يا جماعة ان الناس بتوصل بيها الجراة على الله لهذا الحد كنوع من رد الجميل على العبقرية التى منحها لهم
وعلى فكرة الموضوع تكرر كتير
حتى فى الشعر نزار قبانى الشاعر الرائع الموهوب بيقول حاجات فى منتهى الالحاد نبقى بقا نستعرضها فى موضوع تانى
المهم ربنا يطهر السنتنا وقلوبنا مما يغضب الله .

[hamada14u]

والله الموضوع ده جامد جداااااااااااا...........انا صحيح مقريتشى اولاد حارتنا..بس كنت اعرف ان فيه كفر والحاد........لكن دلوقتى عرفت هو بيتكلم على ايه.................شكراااااااااااااااااا

[welmac]

شكرا على المشاركة

[بنت الكنانة]

شكرا لموضوعك
محمود
معلومات قيمة
افدتنا كثيرا
تقبل مروري

[welmac]

شكرا على المشاركة
بس محمود مين