[مايكل ممدوح]

[align=center]جيلنا جيل كويس مش وحش

بس العيب مش فينا العيب في البلد في اللي عايشين فيها

يعني مثلا لو واحد عندي مشروع او اختراع وعايز ينفذه حد هيعبره

ان كنا احنا فشلنا فده مش بايدينا

ده رأي
[/align]

[rasha R]

المشاركة الأصلية كتبت بواسطة روز55

هاي يا جماعه..
انا رايي ان الزمن ملوش دعوى بالفشل, الناس هي اللي دايما بتعلق فشلها على الزمن علشان تخفف عن نفسها, مع انهم لو نظروا للموضوع من زاويه تانيه حيكتشفوا انهم هم السبب فان الزمن يكون وحش او ان الجيل يكون فاشل يعني تلاق واحد معملته مع الناس دايما سيئه ولو حد حاول يلفت نظره يقول الزمن , مع انه سهل يغير من نفسه شويه.
وفي بيت شعر حيوضح وجهة نظري : نعيب زماننا والعيب فينا وما لزماننا عيب سوانا
وده طبعا موجود في كل وقت زمان ودلوقتي وحتى في المستقبل

والله كرمك زي السكر يا روز فعلا كتير من شبابنا بيعيب في زماننا مع انه الزمن مالوش دعوة بينا لانه الزمن هو نفسه كل زمن من ايام الجاهلية ولكن ازاي احنا نغير نفسنا هي دى المشكلة عند بعض الشباب مش قادرين انهم يواجهو واقعهم ويحسنو من نفسهم وزي ما قال الله تعالى :"ان الله لا يغير ما بقوم حتى يغيروا ما بأنفسهم" والاية الكريمة دى تثبت وجهة نظرك وتثبت البيت الشعري
ولكن في النهاية احنا برضو مش جيل فاشل ولكن لدينا بعض التقصير تجاه انفسنا
والف شكر ليكي يا روز على ردك الجميل

[rasha R]

المشاركة الأصلية كتبت بواسطة فجر الإسلام

ازيك راشا موضوعك جميل بس زي ما قال اللي قبلي ان مفيش جيل فاشل

بمعني او لو الجيل فاشل اكيد مش هيكون في تقدم ولا انجازات والعلم هيتوقف

بس انا شايف ان الزمن دا اصعب من ازمنه عدت كتير لان كل حاجة دلوقتي بتعصب علينا من فلوس الي معيشه الي امراض الي تلوث العالم دلوقتي بيواجه مشاكل عديدة

والعلم كل يوم بيتقدم لكن بدون فيدة لان المشاكل ايضا بتتقدم وبسرعة البرق

والفشل الاكثر تشيعا هو فشل المسلمين في اتخاذ حقوقهم من الصهاينة الملاعين

شكرا اختي ويمكن اكون انحدرت شوية عن الموضوع لكن اهو كله مربوط ببعضه

اهلا يا محمد انا الحمد لله
وانا معاك في كلامك انه مفيش جيل فاشل بأكلمه لانه مشاءالله علينا انه في تقدم في العلم والانجازات زي ما حضرتك بتقول وصحيح انه زماننا صعب شوية بس بإيدنا نقدر نغيرو ومفيش حاجة صعبة على ربنا يعني يتمسكنا بديننا وبأصلنا اكيد ربنا هيكون معانا
وصحيح المعيشة بقت نار والناس مش قادرة انها تعيش وسط الغلاء العالمي اللى احنا فيه ولكن برضو كل ده مش عالينا لوحدنا وانما على العالم كله ولكن طريقة كل شعب في التغلب على مشاكلها بتختلف من شعب لاخر يعني في ناس غيرنا شايفة انو الحكاية دي مش مشكلة كبيرة بالنسبة ليها لانها قادرة تتغلب عليها بطرق تانية ولكن المشكلة في النهاية فينا احنا مش قادرين نتغلب على مشاكلنا لاننا معندناش اردة ودي مشكلة بحد ذاتها انه الحكومات مش بتدي الناس حقها ولا بتدي الناس الفرصة انها تدافع عن حقها برضو احنا بعدنا عن موضوعنا ولكن في النهاية انا بقول الغلط فينا احنا مش قادرين نغير من نفسنا عشان نقدر نعيش ولكن مع ذلك جيلنا مش فاشل ولكن نقول مقصر في حقه شوية
وتسلم يا محمد على رأيك الكريم

[rasha R]

المشاركة الأصلية كتبت بواسطة بدر الدجى

[read]
اكيد مفيش جيل كله فاشل
ولكن كل واحد بيمر فى عمره بمراحل
وكل مرحلة بيختلف رايك فيها عما كان عليه فى السابق
فعندما كنا شباب نتعجب من الجيل السابق علينا لانه يقول اننا جيل فاشل
يعنى الحكاية اختلاف اراء فى مراحل العمر مش اكتر
واشكرك على موضوعك الجميل يارشا
شـكــ وبارك الله فيك ـــرا لك ... لك مني أجمل تحية .
[/read]

يا عيني على رأيك الجميل يا بدر والله كلام عين العقل انه المشكلة في النهاية من وراء كلمة جيل فاشل هي اختلاف الاجيال مع بعضها و وجود فجوة كبيرة بين الجيل الكبار وما بين جيل الشباب فنظرا لوجود تلك الفجوة يترتب عليها اختلاف في حاجات كتيرة منها الاراء ووجهات النظر والقرارت وتى طرقة المعيشة هتختلف يعني في النهاية لازم يكون ما بينهم توافق حتى لا تطلق تلك الكلمة جيل فاشل على شبابنا
وتسلمي يارب يا بدر على كلامك الجميل

[rasha R]

المشاركة الأصلية كتبت بواسطة الفارس المصرى

موضوعك جميل يا رشا بس زى ما قال الجميع مفيش جيل فاشل كله ولا جيل كويس كله كل جيل فيه مميزاته وعيوبه وفيه الوحش والحلو
بس مع نظره مدققه فاحصه فى احوال جيلنا هنلاقى ان جيلنا صاحب اكبر نسبه فشل وانحدار اخلاقى على مر الاجيال
والجيل اللى بعدنا هيبقى اسوأ وهى دى ضريبه التقدم
لاننا بنبعد اكتر عن دينا وتعاليمه
ولو ان الكبار شايفيين اننا جيل فاشل
سبب ده ان جيلنا مش واخد فرصته اللى يثبت فيها انه كويس ومتحمل للمسؤليه
يعنى كام واحد فينا اشتغل فى مجال قدر يثبت فيه نفسه
كام واحد فينا متعرضش لظلم ادى لان واحد اقل منه ياخد مكانه
ولو الكبار مصريين اننا جيل فاشل فانا بقولهم مع الاسف جيلنا هو الامتداد والانتاج الطبيعى لجيلكم ولو كان جيل منحدر اخلاقيا وسلوكيا فسبب ذلك ان الجيل اللى قبلنا معرفش يزرع فينا الاخلاق الصحيحه ولا يربينا بشكل يخلينا جيل ناجح

الله على ردك الرائع يا الفارس وكلامك اعجبني فعلا
وجيلنا مشكلته الوحيده ابتعاده عن ديننا الاسلامي بس انا شايفة انه في بصيص من النور بدأ يخرج ويشع ويرجع من جديد ديننا الاسلامي على ارض الامة
بس برضه الاجيال اللى فاتت كان لها النصيب الاكبر في اخراج ذلك الجيل زي ما حضرتك قولت
بس مش مشكلتهم انه جيلنا ينحدر نحو الاسوأ لانهم اكيد كانو بيوجهونا نحو الافضل وكان لينا الاختيار في النهاية يعني في النهاية الحكاية معقدة وليها اكتر من سبب يجعل كلمة فاشل تطلق على جيلنا ولكن مازال هنالك خيرا في جيلنا وانشاءالله هيكون الافضل دائما
والف شكر ليك على ردك الجميل والمميز