| مصرى جديد
| تاريخ التسجيل: Feb 2008 المشاركات: 5 |
18-12-2008
|
يا جماعة فى نموذج اسمة نموذج محاكاة جائزة نوبل النموذج بيحاكى جايزة نوبل فى الخمس مجالات بتوعها وبيحاول يوجة فكر الشباب للتفكير العلمى السليم من خلال مجموعة كورسات مجانية الكورسات دى بتطور الناحية الشخصية والعلمية للشباب والكورسات دى عبارة عن:
1)تنمية بشرية ودى هياخدوا فيها مهارات التقديم ومهارات الاتصال والتفكير الابداعى وادارة الوقت وفن التفاوض والتخطيط والقيادة .
2)تكنولوجيا المعلومات ودى هتساعد الطالب اللى عندة فكرة او بحث انة يقدر ينفذة على الكمبيوتر .
3) تسويق وهاتكون معاها ورشة عمل علشان نطبق عملى وفيها كمان دراسات الجدوىودة هيساعد الطالب او الباحث انة لما يعمل البحث بتاعة يعرف يسوقلة لاننا عارفين طبعا ان فى ابحاث كتير بتتعمل لكنها بتترمى فى الادراج بسبب تجاهل الجانب التسويقى للبحث العلمى .4)كيفية كتابة البحث العلمى.
5)حقوق ملكية فكرية يعنى لو حد عندة فكرة او بحث او مشروع ازاى يحمية ويحافظ علية
واللى بيحصل بالظبط
ان المفروض الطالب يكون عندة فكرة مبدأية فى مجال من مجلات نوبل ومن خلال الكورسات دى هايقدر انة يطبق الفكرة بتاعتة وهايناقشها فى الاخر فى المؤتمر بتاع النموذج دة هايكون فية رجال اعمال ومستثمرين ودول ممكن ينفذوا الافكار المطروحة لو فعلا فى فكرة عجبتهم زى ماحصل السنة اللى فاتت الاول فى قسم الفيزياء اتبناة احد المستثمرين ودلوقتى بينتج الفكرة بتاعتة . دة غير ان المراكز الاولى فى كل مجال بيكون ليهم جوائز مادية
وكل اللى قدم فكرة ونفذ الكورسات اللى اخدها على الفكرة بتاعتة بياخد شهادة معتمدة من
1)جامعة القاهرة.
2)جامعة حلوان.
3)المعهد القومى للبحوث.
4)المركز القومى للشباب.
5)المركز الاعلى للقياس والمعايرة.
6)نقابة المهندسين
7 )سفارة السويد
وماتنسوش يا جماعة مافيش اى مقابل مادى بس اهم حاجة يكون عندك فكرة فى
الفيزياء
او الكيمياء
او الادب
او الاقتصاد
او بحث تنموى
فكرة مبدأئية بس وبتنفذها بعد الكورسات
وعلى فكرة النموذج دلوقتى فى جامعة عين شمس
واسفة على الاطالة بس انا ليا هدف
نفسى فعلا مصر حالها يتغير
مش معنى كدة ان مصر وحشة ,بالعكس بس فى سلبية كتير لو اتغيرت اكيد هانبقى احسن
وفى دراسات اكدت ان من اسباب تدهور الاقتصاد المصرى هو تدهور البحث العلمى
وفعلا
مصر محتاجة البحث العلمى
ومحتاجة الشباب يبدأ بنفسة ومايسافرش يدور على نفسة برة مصر
وان شاء الله
نموذج نوبل هايحقق هدفة
وهانبنى اول مؤسسة على نطاق الوطن العربى بتخدم البحث العلمى
ياريت نقدر نوصل الرسالة دى لكل الناس
واللى عايز يشارك يدخل على
www.nobelegypt.webs.com
او يتصل على
0123751967
واسفة مرة تانية على الاطالة
سلاااااااااااااام عليكم ورحمة اللة وبركاتة
| |
| |
| | |
العرض العادي
