[yasmina]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

عشر فوائد لحكم جيمى

ماذا لو.. فشلت كل خطط المعارضة (اللي هي لا معارضة ولا حاجة) ونجح جمال مبارك في اعتلاء (حلوة اعتلاء دي) كرسي العرش المصري وبقى هو الريس..

سؤال أفكر فيه كثيرا، وطبعا لا أجد إجابة ..
تتميز الأسئلة المصرية عموما بعدم توافر اجابات لها.. ولو توفرت الاجابات فستكون حتما غبية.. زي السؤال بالظبط..

المهم.. نرجع لمرجوعنا، (حلوة مرجوعنا دي كمان)، لو جمال حكم البلد، ايه السلبيات اللي هتكون موجودة... وإيه الإيجابيات..

يقوم ماجد من آخر الفصل ويسأل، وهو يا أستاذ في ايجابيات لحكم مبارك، أرد أنا وأقول.. شوف يا ماجد.. قلتلك قبل كدة أكتر من مرة، أنا موتي وسمي العيل الغبي.. طبعا في ايجابيات، وايجابيات كتيرة كمان..

لكن كما هي العاادة المصرية الخالدة، دعونا نبدأ الأول بالسلبيات لإننا تقريبا مش بنشوف غيرها..

أولا وأهم السلبيات دي هي إن حركة كفاية هتفضل موجودة، ومؤتمرات وندوات ومظاهرات وحاجات تانية تحرق الدم.. ده طبعا بالاضافة لإن المظاهرات هتوقف المرور وتعطله أكتر ما هو عطلان..

ده طبعا غير السلبيات المعروفة، النظام هيفضل فاسد، والحياة هتفضل لونها بمبي، وماما خديجة هتمسك مكتبة الأسرة، والكباري هتفضل تتبني، وهيفضل الانجاز المصري الوحيد الأكثر أهمية منذ جون مجدي عبد الغني.. هو تاكسي العاصمة!

المهم، السلبيات وكلنا عارفينها وحافظينها ومتوقعينها وموش معترضين عليها (ولو حتى اعترضنا موش هتفرق كتير).. لكن ايه هي الايجابيات اللي انا عامل الموضوع ده للحديث عنها.. هو ده المهم..

الحقيقة بعد طول بحث وتمحيص (تمحيص دي حلوة موت فعلا.. طول عمري أحب الأكل المحمص) لقيت أن في مجموعة من الفوايد لحكم جمال، وأنا بدعو كل مصري عصري حر وخايف على مستقبله ومستقبل البلد وجميعة المستقبل.. إنه يشوف الفوايد دي ويدقق فيها (يقعد يدق) وبعدها ينام، وهيصحى الصبح وهو معندوش أي مشاكل مع جيمي، وموش بعيد يصحى يلاقي نفسه عضو في الجزب الوطني ولا في لجنة السياسات..

باختصار هي دي فوايد حكم جمال لمصر..

* مصر هتدخل موسوعة جينيس (مشتقة من البنطلونات الجينيس) لوجود اتنين من حكامها اسمهم جمال.. واحد ابه اسمه عبد الناصر، والتاني ابوه اسمه يونس شلبي..

* امنا (ام كل المصريين) هيبقى اسمها خديجة، والشارع المصري هيشهد انتعاش في سوق الشتايم بالام.. عالم ولاد.. متباعة!

* مصر هتكسب كل ماتشات الكورة اللي هتلعبها، لإن الريس هبيحب الكورة، واحنا لعيبة المنتخب مش بيحبوا يكسفوا الريس..

* أحمد شوبير صديق جمال.. هيمسك التليفزيون المصري..

* محطة رمسيس في المترو .. هتفضل اسمها مبارك.. على اسم ابو الريس.. أكيد موش هيغير من ابوه..

* أحمد عز(بتاع الحديد) .. هيتجوز يسرا آخر المسلسل

* أحمد عز (بتاع التمثيل) هيمسك لجنة المشتريات في مجلس الشعب

* علاء مبارك.. هيمسك حركة كفاية (هو انا يا جمال كل حاجة يبقى نفسي فيها تاخدها مني..علاء)

* كمال الشاذلي.. هيمسك الإخوان

* أنا.. هتمسك من(.....) خمنوا انتوا بقى، وأمي هيبقى اسمها أم لهب!

* النشيد الوطني.. هيبقى من تلحين تامر حسني وغناء هيثم شاكر

* اتحاد الاذاعة والتليفزيون، موش هيعمل أغاني لجمال، هو بس هيرفرش الاغاني القديمة بتاعة عبد الناصر.. بنحبك يا جمال.. والوداع يا جمال يا حبيب الملايين (الفلوس طبعا).. وقلنا هنبني وأدينا بنينا كوبري أكتوبر.. والاغاني بتاعة زمان دي..

* من اهم الفوايد أن مصر هتلغي اتفاقية الكويز.. لإن اللي يعوزه البيت يحرم ع الجامع.. واحنا مفيش اكتر من الجوامع عندنا..

ده سؤال مهم هنعمل ايه لو جمال مبارك
مسك الحكم بعد ابوه
حد عنده افكار
المقال هو مدونة لشخص اسمه البراء اشرف
عجبتنى وحبيت اطرح عليكم السؤال ده

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

[mhmdrshdy]

معتقدش ان جمال هيحكم مصر لانهم خلاص خلصوا على ام مصر ومعدش فيها حاجة تتسرق

[welmac]

والله يا ياسمينا انا قولت الكلام ده قبل كدة لو مش جمال يبقى مين وعلى العموم هقول تانى

شعب مش لاقى حد يحكمه

كثيرا ما اردت ان اطرح هذا السؤال عليكم وعلى نفسى هل مبارك بالفعل طاغيةهل يستحق ان يطلق عليه هذا اللقب يعنى هل هو حجاج هذه الامة هل هو انسان ظالم ام اننا تعودنا على الظلم , هل هو لايعرف يحكم ام اننا شعب لا يُحكم هل هو سلب حقوقنا ام اننا اضعناها ولازلنا نضيعها, يا جماعة هو العيب فى مين فينا ولا فى اللى بيحكمونا وليه احنا الشعب الوحيد الذى تسلب حقوقه بهذه الجراة وعلى الملا ويسكت ولا يكترث بما يحدث , اكثر ما يمكن ان نفعله هو التشدق بالكلمات , ماشاء الله مبنعرفش نعمل حاجة غير كدة والديك دا طور و دستور يا اخواننا و الهاتك بامر الله الله عليك هو احنا خلاص بقينا ألسنة فقط , فى عصر مضى سكتنا على ظلم الراسماليين ايام الملكية حتى جاءت الثورة لتخلصنا من احتلال وتدخلنا تحت وصايتها , فرض حماية برضه , جمال عبد الناصر الزعيم الرائع العظيم كان لا يتقبل كلمة اعتراض ويعتبر نفسه هو الملهم الوحيد الذى يستطيع ان يحكم هذه البلاد , وان سمح لكل واحد من اصدقائه انه ياخد حتة من التورتة اللعبة التى لم يتوقعوا نجاحها عندما نجحت الثورة لم يستطيعوا تحديد اهدافها , كل واحد بقا بيفكر فى تحقيق اهدافه الشخصية وجمال عبد الناصر لم يكتفى بان يكون زعيم المصريين لكنه اراد ان يكون زعيم الامة العربية كلها , فشتت جيش مصر وهو فى اشد الحاجة الى الاتحاد مابين الجزائر واليمن اااااه ( اليمن ) حرب اليمن سبب فساد الاقتصاد المصرى وسبب هزيمة 67 وسبب تفتيت الجيش المصرى , كنا بنحارب ناس احنا مش عارفين هما مين ... يمن قصاد يمن حرب اهلية ثورة تحرير احنا مالنا العقيد السلال قائد الثورة اليمنية والامام بدر الاب الروحى لباقى اليمنين الامام بدر كان يعطى جنوده وثائق تمليك اماكن فى الجنة تخيلوا ناس بالعقلية دى نحاربهم ازاى والله قريت كتاب للواء سابق عاصر حرب اليمن كان كاتب ان عبد الناصر كان يرسل عملات ذهبيه ويرميها من الطائرات على جنود الامام بدر ليستعطفهم ويثبت لهم اننا جئنا للمساعدة واننا شعب طيب يعنى كنا بنسترضيهم تخيلوا بقا حرب اليمن دى اثرت على اقتصادنا قد ايه وفى الاخر نقول عبد الناصر زعيم الامة ومبارك هو اللى ضيعنا والله احنا اللى مضيعين نفسنا وبعدين نرجع نتكلم على جمال مبارك والورث هايصبح موضة ويصعدوا فصل الروضه الله يا ايمان يا بكرى فعلا احنا مش عايزين جمال مبارك علشان الظلم اللى شوفناه على ايد ابوه لكن هاسال سؤال واحد وعايز كل واحد يقرا الموضوع يجاوبنى عليه لو حسنى مبارك مات وقالوا للشعب اختار اللى هايحكمك تفتكروا هتختاروا مين احنا هانعمل استفتاء صغير على قدنا ونشوف وانا اقولكوا نتيجة الاستفتاء من دلوقتى فى ناس مش هاتعرف تجاوب واللى هيختاروا مش هنلاقى 10 اشخاص يجتمعوا على شخص واحد يا جماعة احنا طول عمرنا مابنختارش حكامنا مشى فاروق وجيه عبدالناصر قال انا اللى خلصتكوا من الاحتلال وانا الرئيس سمعا وطاعة وبعدين السادات انا خليفة عبد الناصر سمعا وطاعة و مبارك انا نائب السادات والوريث الشرعى اشمعنى المرة دى بقا لينا راى اتمنى والله ان احنا يبقى لينا راى وميبقاش كلامنا مجرد كلام وقبل ما نقول مش عايزين ده لازم نكون عارفين احنا عايزين مين ها هانبتدى التصويت بس صوتوا بصوت واطى

[ابويوسف2007]

لنا هنا وقفة ؟
بكرة حكمل ... انتظرونى

[hidden_ghost]

موضوعك حلو أوي يا يسمسنا تسلم ايدك
وبالنسبة لرأيك يا [عزيزي الزائر يتوجب عليك التسجيل للمشاهدة الرابطللتسجيل اضغط هنا] مش معنى أن واحد بيظلمنا من كام وعشرين سنة أن ده خلاص بقى حقه وكمان يورثه لأبنه وكمان مش معنى أن مفيش حد تاني تجتمع عليه الناس يبقى الحل أن مبارك يفضل الريس ومن بعده أبنه ............ هوا مين الي مخلاش عندنا أي رمز أو زعيم تاني أحنا ولا هما ؟؟؟؟؟؟؟ مين أيام الإنتخابات الكوميدية بتاعة الرئاسة الي حط الشروط المعَجزة إحنا ولا هما ؟؟؟؟؟؟؟؟؟؟ ومين بعد الإنتخابات الي قضى على أي منافس (حتى و إن لم يكن هو الرجل المناسب لهذا المنصب) ؟؟؟؟؟؟ ومن أيضا الي هيجي يلمنا علشان الكلمتين الي أحنا فضفضنا بيهم من بعض دول ؟؟؟؟؟؟؟؟؟؟ ضربوني وقالوا لما تبكي ؟؟؟؟؟؟؟؟؟ أسثلة كثيرة تطرح نفسها بلا إجابة .......... بالنسبة لموضوع جمال عبد الناصر أنا صراحة مليش قد كده في التاريخ ومعرفش أي حاجة عن عصره فمقدرش أتكلم عليه بس الي أنا شايفه أن عصرنا ده سيء جداً لدرجة أن مفيش عصر ممكن يكون أسوء منه