طباخ الريس, هو هو كدا فعلاً؟!

طباخ الريس, هو هو كدا فعلاً؟!

الريس عاوز يشوف البلد علي حقيقتها, لأ وينزل الشارع من غير حراسه ووسط الناس

طبعاً المساعدين مش ممكن يسمحوا ان الريس ينزل مع الناس كدا, وبرده مايفنعش يكسرو للريس امر

قام العباقرة اقترحوا "نقول ان اليوم ده هايبقي فيه كسوف للشمس والاشعة هاتبقي ضارة"

الناس سمعت الكلام, وبرده الريس نزل, فجأة نزل الريس مالقاش ال 75 ميون مصري

"الشعب فين يا حازم, 75 مليون مش لاقي منهم ولا واحد"

وبعدين الريس يتعرف علي متولي اللي عنده عربية "طواجن" في الشارع, ومن خلاله بيتعرف علي احوال البلد وبيحل كل حاجه وحشه بيسمع عنها

طيب,

مش عاوزين نخبط في ال....

ماعلينا, ماعلينا

بس هي البلد فيها كام متولي ممكن يتكلمو عن احوال البلد؟

وبرده فيها كام واحد زي حازم؟

هو احنا اللي مش عارفين نوصل صوتنا للريس؟

ولا حازم وامثاله هما اللي مانعنا نوصله؟

ولا هو هو اللي مش عاوزنا نوصله؟

ماهو يا جماعه ماتولدش ريس, ماهو اتولد زينا ونشأ زينا

والله العظيم أنا حبيت الريس اللي جابوه في الفيلم

حتي لو هايجدد طول العمر

وحتي لو جه بعده 100 ريس, كلهم ولاده

بس عاوز حد يقرب مننا, يحس بينا, يكون قائد بجد

مش في مثل بيقول "اذا كان رب البيت بالدف ضارب, فشيمة أهل البيت الرقص"

أنا مش عاوزنا نرقص,

نفسي الغلبان يبقاله ضهر... نفسي المريض يلاقي حد حنين عليه.... نفسي كل الجعان يشبع..... وكل العريان يتغطي

بس نفسي قبل كل ده

تكون عندنا رؤية لمستقبلنا, وأهداف كبيرة نسعي لتحقيقها, وادارة واعية بتمشي بينا للمستقبل اللي احلي من حاضرنا

أنا عندي أمل يجي اليوم اللي الواحد اول ماينادي فيه علي حد من البشر يقول زي ماقالت امرءة من ايام الدوله العباسية, عاوز اقول " وا رئيسااااااااااااااااااااااااااه"

والله لسه عندي أمل

علي فكرة, أسوء ما في الفيلم,,,,,, انه طلع في النهاية "حلـــــــــــــم"

ملحوظه:

لو غبت عنكم اكتر من 3 ايام, ابوس ايديكو اسألو عني

و أدعوليييييييييييي

شوفى يا ست الدكتوره مها
الريس عارف كل حاجه ومطنش
وانا حقول الحق والرزق على الله
الريس عرف بمشكلة الحضرى
وحلها
طيب والناس اللى مش لاقيه رغيف العيش
الله يرحمك يا امير المؤمنين عمر بن الخطاب
اللى كان بينزل بالليل من بيته علشان يطمن على الرعيه
مش يروح مباريات الكره
يا ست الدكتوره
ربنا يرحمنا من الطباخ ومن الريس
وربنا يسترها معاكى

حسبي الله ونعم الوكيل

لا تعلـــــــــــــــــــــــيق