| التسجيل |
| الساحة العامة و اللقاءات منتدى التعارف و الساحة العامة |
 |
| مشرفة فى منتدى مصر
 |
 [align=CENTER][table1="width:100%;background-image:url('http://forum.egypt.com/arforum/mwaextraedit2/backgrounds/10.gif');background-color:blue;border:10px inset blue;"][cell="filter:;"][align=center] [/align[align=CENTER][table1="width:100%;background-color:white;border:10px inset black;"][cell="filter:;"][align=center] أم عبير و أم حماده أتنين ستات من طبقه متوسطه الحال قابلتني فتاه من طبقه مختلفه قليلا عن طبقه أم عبير و أم حماده ....المهم سألتني لماذا تدعي أم عبير و أم حماده علي الحكومه؟ قلت لها أخطفي رجلك و أعملي حديث صحفي ودي معاهم بمناسبه شهر رمضان و أنتي تعرفي الفتاه:هاي أم عبير ...أخبارك ياأم حماده؟ أم عبير: أهلا يا الدلعادي الفتاه: يعني ايه الدلعادي دي؟ أم حماده: و الله مانعرف ياحبيبي...أحنا طلعنا الدنيا لقيناها بتتقال الفتاه: شتيمه دي؟ أم عبير: يقطعني...لأ يا أختي دي كلمه حلوه الفتاه:أوكي...شغال....أنا عاوزه أقولكم ان الأكل الكتير في رمضان بيتخن و لازم تمنعوا السويتس أو تقللوا منها شويه و كمان الكربوهيدرات عشان ماتضطروش تعملوا دايت بعد كده أم حماده: و أنتي عامله ايه؟ الفتاه:فاين الحمدلله أم عبير: سويتس يعني ايه يانور عيني؟ الفتاه: يعني الحاجات الحلوه بتاعت رمضان البسبوسه و الكنافه و عيش الغراب بالقشطه و القطايف بالفسدق و خصوصا الكنافه العثمانلي...دي رهيبه ...الكالوريز بتاعتها عاليه جدا شوفوا ركزوا علي الفاكهه...يعني كوليكشان فاكهه او حتي فروت سلاط أم عبير: و انتي أزيك؟؟ الفتاه: الحمدلله فاين أم حماده:يعني الحاجات دي اللي انتي قولتيها مضره بالصحه؟ الفتاه:شووووور أم عبير: طيب يااختي الناس بعد الصيام تسند قلبها بأيه؟لازم حاجه مسكره...شويه كركديه و لا عرقسوس و لا حتي لموناته الفتاه:عرق ايه؟ايه ده؟ أم حماده:عرقسوس ماتعرفيهوش؟عمرك ماشربتيه؟ الفتاه:نو.....خالص أم حماده:امال بتشربي ايه علي الفطار؟ الفتاه:أنا بفطر علي بيبسي ماكس زيرو شوجر أم عبير:هو أنتي بعافيه ياحبيبتي؟ الفتاه:أنا ؟؟اه....فاين الحمدلله أم حماده:لأ قصدها انتي الله لايقدر عيانه بحاجه بعد الشر الفتاه:نو ... خالص...أنا قصدي أقولكم ان السكر مضر جدا بالصحه أم عبير:سكر التموين و لا السكر الفاخر؟ الفتاه:لأ سكر السكروز العادي..ده بيتخن و لازم تستعملوا الدايت سويت.أو اقولكم اعملوا قراصيا و مشمش من غير زبيب و لا تين و من غير سكر أم حماده: شوفي ياضنايا ياميش رمضان كله غالي حتي البلح الحلو بقي بعشرين جنيه شوفي بقه انتي القراصيا و التين بكام؟ الفتاه:صح..سوري...يبقي الحل في المكسرات....الفسدق و البندق و اللوز.تاكلوا شويه مكسرات بعد الفطار تدي طاكه و مش مضره أم عبير:ماكانش يتعز الفتاه:ليه معندكوش كساره؟خلاص اشتروه مقشر أم عبير:احنا مابنحبش المكسرات خالص .بلا قرف...بنحب الجبنه القريش الفتاه:يعني ايه؟؟جبنيه سكيمد دي؟ أم حماده:لأ رخيصه أوي بتسعه جنيه الكيلو الفتاه:بتجيبوها منين؟من الفا و لا من كارفور؟؟ أم عبير:من أم محمود بتاعت الفراخ الفتاه:طيب و بتتسحروا فين في رمضان؟ أم حماده:في الصاله الفتاه:ماأنا عارفه..مش قصدي..قصدي مش بتروحوا تتفسحوا في الحسين ولا السيده زينب...و تتسحروا هناك؟؟ أم عبير:لا و الله الفتاه:و لا في أي خيمه من بتوع رمضان؟ أم حماده:لا و الله الفتاه: ليه ؟ده الفول في السيده يجنن و الواحد يقعد في الشارع كده و يشرب شاي و شيشه..ده حي شعبي لطيف قوي أم عبير:هو أحنا محرومين من الشعبي...ده احنا اتولدنا في الشعبي و مفيش حاجه مطلعه روحنا غير الشعبي الفتاه: امال بتاكلوا فول فين؟ أم حماده:بندمسه في البيت الفتاه:يعني ايه ؟ندمسه يعني ايه؟ أم عبير:لما ربنا يبعتلك ابن الحلال و مامتك تجهزك حتجيبلك دماسه و معاها سخان كهربا صغير و تعلمك تعملي فول في البيت انضف و ارخص و ريحته في البيت ترد الروح الفتاه:اعمل فول؟؟أنا ؟معقول؟؟ ام حماده:ده سهل خالص و انتي باين عليكي ماتأخذينيش يعني مستريحه و تقدري تشتري فول اكياس من الغالي ده بقه بيستوي بسرعه اربع ساعات يبقي زي العجميه الفتاه:لأ...سوري حضرتك مش فاهماني...مش مسأله سهل و لا صعب ...مين هايعلمهولي؟؟ أم عبير:مامتك ياحبيبتي الفتاه:مامي مش بتخش المطبخ أصلا...و انا زيها مش بحب الحاجات دي أم حماده:امال مين اللي بيطبخ عندكم؟ الفتاه:الطباخ أم عبير:هو الدالعادي بابكي بيشتغل ايه؟؟ الفتاه:ماعرفش بظبط حاجه في البيزنس أم حماده؟و بيقبض كام؟ الفتاه:يعني ايه بيقبض؟ أم عبير:يعني بياخد ماهيه كام؟ الفتاه:يعني ايه ماهيه؟ أم عبير:مش مهم ...المهم انتي كويسه؟ الفتاه:فاين...صيفتوا فين السنه دي؟ أم حماده:في بيتنا الفتاه:انتوا مش بتحبوا البحر؟ أم عبير:و هو احنا شوفناه عشان نحبه و لا نكرهه الفتاه:ماشوفتوش البحر خالص؟...مش معقول أم حماده:اصلنا ياروحي مشغولين علي الاخر ماعندناش وقت الفتاه:مش صح كده...لازم تاخدوا حتي الويك اند في اي حته في الساحل..مارينا...السخنه هايتس...او حتي تنزلوا البيسين في اي اوتيل او نادي...العوم حلو اوي عشان الصحه و الموود أم عبير:الصحه و الايه؟ الفتاه:الموود ام حماده:و ده ايه يعني؟ الفتاه:الموود ..يعني الحاله النفسيه..المزاج أم عبير:و النبي عسل الفتاه:ليه بقه بتدعوا علي الحكومه؟ ام حماده:لأ..احنا بندعي للحكومه...كفايه انها موفره علينا مصاريف الفسحه و المصيف و البحر الفتاه:ازاي؟ ام عبير:اصل الحكومه مخليه مزاجنا عال العال نروح نصيف ليه بقي؟؟؟ بقلم دكتوره :لميس جابر لجريده عين الأسبوعيه [/align][/cell][/table1][/align]][/align][/cell][/table1] | | |||
|
ههههههههههههههههههههههههههههه والله جامد الحديث ما بنهم بس ده فعلا واقع في مصر بس ياريت يا بدر تغيري لون الخط اصلي اتلوحت وانا بقرأ فيه والف شكر يا جميل على الموضوع الممتع
__________________  انا لله وانا اليه راجعون رحمة الله عليكِ يا منى عز الدين | | |||
| مشرفة فى منتدى مصر
| | ||
| مراقبه المنتدى العام | | |
| مشرفة فى منتدى مصر
| | ||
|
| مواقع النشر |
| العبارات الدلالية |
| حمادة, شوفو, عبير, كلام, وام |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التسجيل | التعليمات | قائمة الأعضاء | التقويم |
العرض العادي
