شرف الولد زي الولاعه

كان فيه مثل كلنا عارفينه
شرف البنت زي عود الكبريت ميولعش الا مره واحده
الله يرحمه يوسف بك وهبي
مش عارفه ليه مسكنا في شرف البنت ونسينا شرف الولد وافتكر في مجتمعنا شرف الولد مش زي عود الكبريت لا طبعا زي الولاعه لو خلص البنزين نملاه تاني مفيش مشكله
غريبه صح؟والله مش عارفه اشمعني مع ان لا شرع ولا دين قال كده وربنا سبحانه مفرقش بين ولد وبنت اذا كان في الثواب او العقاب
دلوقتي طبعا الولاد هيعترضوا والبنات تطالب بلمساواه
وطبعا الولاد هيفهموا غلط معني المساواه وهي اننا عايزين نعمل زيهم وتبقي لينا الحريات اللي معاهم واللي هيه من غير وجه حق وده لو حصل تبقي مصيبه ويبقي مجتمع منحل اللهم نجينا
لا طبعا احنا مش عايزين كده احنا بنطالب بلمساواه واللي معناها ان يكون شرف الولد كمان زي عود الكبريت والكلام مش تخليص حق او اننا بنقول اشمعني لا احنا عايزين مجتمع اسلامي يطبق جميع اوامر الخالق سبحانه . ربنا سبحانه عاقب الزاني زي ما عاقب الزانيه زي ما طلب من البنت الاحتشام طلب من الولد غض البصر
يعني مثلا لو كل الولاد قال انا ولد وشقاوه شباب ولما اجي اتجوز اتجوز زي امي واختي افتكر لو كل ولد فكر كده مش هيلاقي بنات
ولا ايه رايكم؟؟؟؟؟؟؟؟؟؟؟

طبعا كلام حقيقى ومفيش حد يقدر يعترض عليه
ربنا يحمى الشباب
جزاك الله خيرا

اعذورونى يبنات اللى مسئول عن المبدأ دا انتو انتو اللى عملتوه
لما وحده فيكم بتتخطب و تعرف ماضى خطيبها هيه اللى بتقول معلش و خلاص

موضوع جميل زيك يا ملكه
رغم ان ربنا مش بيفرق فى عقاب الرجل والمراة
بمعنى ان الاتنين عقابهم واحد الا ان المجتمع بيفرق بينهم بمعنى ان الولد لما بيغلط يبقى شقاوة شباب
بس البنت لما بتغلط بتبقى منحرفه ومش محترمه
المجتمع كله بيفكر كده ولاد وبنات
حتى فى الخيانه الزوجيه الرجل لو خان مراته بيسموها نزوه ويعينى ضحكت عليه ومش مشكله سمحيه علشان الولاد والبيت
بس لو المراه هى اللى خانت بتعدم
عموما ربنا يهدى الجميع

طبعا كلامك جميل يا ملكة بس يعنى منقولش للشباب غض البصر ونقول للبنات براحتكم فيه حرية