[hamada14u]

الموضوع بصراحة اكثر من رائع ويشجع الواحد انه يشارك ذكرياته باستمتاع
انا الحمد لله فى حياتى الطفولية قصص كتير بس هأقول واحدة يمكن الطرافة فيها انها محزنة شوية !
وأنا فى الابتدائى كنت ماشى مع واحد زميلى رايحين المدرسة الصبح ..بس كان شقى شوية ..المهم ظهر واحد صاحبنا تالت بس كان راكب عجلة ..صاحبى الشقى حب يهزر مع اللى راكب العجلة راح جايب كام طوبة من الأرض وقعد يحدفه بالطوب (شوفتوا الهزار !!...عقل عيال بقى !) كان معدى ساعتها واحدة بتشتغل ادارية فى المدرسة بتاعتنا وانا طبعا معرفهاش لأن معظم تعاملنا بيبقى مع المدرسين فى الفصول مش الاداريين..المهم هى نصحت صاحبى انه يقعد ساكت ويحترم نفسه وهو مطنشها ويرد عليها بطريقة مش كويسة قالتله انا لازم اشتكيك للمدير بتاعك ..اسمك ايه ..مرضيش يقولها على اسمه ..قامت بصت لى وقالتلى اسمه ايه ..طبعا انا كنت فى ابتدائى ولسه شعار الصحوبية والصداقة والصديق بيظهر عند الشدة والحاجات دى كانت لسه فى دماغى ..فمرضيتشى اقولها على اسمه ..راحت قالتلى يبقى انت معاه ..اسمك ايه وانا متأكد طبعا انها مش مدرسة عندنا ومش هتكلف نفسها انها تروح للمدرسة وتقابل المدير وتشكيله اللى حصل ..رحت بكل فخر واعتزاز (مش عارف على ايه !)وبدون تردد قلت على اسمى (الرباعى كمان ..ذكاء بقى !!) وبعدين كل واحد كمل طريقه للمدرسة ...المهم واحنا واقفين فى طابور الصباح وقبل مايبدأ بثوانى لقيت مدرس جاى ناحية فصلنا وراح قايل اسمى وقالى تعالى على المدير ...يانهار --- ...المدير مرة واحدة ! (طبعا واحنا فى الابتدائى كان المدير ده بعبع بمعنى الكلمة ) وطبعا رحت ولقيتها واقفة هناك وقالى اسمه ايه التانى اللى كان معاك ..طبعا هنا مفيش صحوبية ولا يحزنون...قلت اسمه يمكن حتى قبل ما يخلص السؤال ! وبعت نفس الاستاذ وجابه من الطابور و قام المدير رزعنى عصايتين اتنين قعدت طول الحصة الاولى بحالها عمال اعيط !!بس الشهادة لله الادارية دى قالت ان صاحبى هو السبب فى المشكلة وطبعا انضرب اكتر منى وطبعا (لم تذرف عيناه بدمعة !)....يمكن الموضوع مش طريف اوى بس اتعلمت منه درس قاسى انه صحيح الصديق بيقف جنب صديقه وقت الشدة ...بس لازم تحدد الأول الصديق اللى تنفع معاه الحكمة دى مش اى صديق وخلاص ...كمان لازم يكون على حق عشان اقف جنبه !!

آسف على التطويل

[بدر الدجى]

فكرة جميلة يابدر
دمتي بكل ود

اشكرك Aboora
ولكن ماتمشيش من غير ماتحكى ذكرياتك هنا
منتظرينك0000

[بدر الدجى]

موضوع رائع يابدر وفعلا فكرة جميلة
الف شكر ليكي عليها من ناحية الذكريات فالذكريات كتيرة
بس انا حصل معايا موقف في العيد ده اللى فات لا احسد عليه وانا مبسوطة ولبسه لبس العيد ورايحة البس الجزمة اكرمكم الله اللى لسه اشتريتها جديد عشان العيد والمهم انا اشترتها قبل العيد باسبوعين وجيت خير اللهم اجعله خير هههههههههه
بلبس في الجزمة والقيها الفردتين نفس بعض الاتنين طلعو واحد من جهه واحد طلعو الاتنين من ناحية الشمال وانا بلبس كده لقيت اخواتي بيضحكو عليا وببص كده فعلا اتنكد يعني يوم العيد يحصل معايا كده وارجعها دلوقتي ازاي والمحلات بتقفل لمدة 3 ايام وفي الاخر انا الغلبانة رزحت لبسة الجزمة القديمة ههههههههههههههههههههههههههههه
ده ذكرى لسه طازة يعني ما فاتش عليها كتير
بس اكيد راح نجيب قصص وذكريات في الايام الجاية انشاءالله

ههههههههههههههههههههههههههه
جااااااااامدة يارشا
اكيد الراجل غلط وهو بيسلمهالك بعد ما قستيها
بس دا عاوز ياخد بيها علقة بالاتنين هههههههههه
اشكرك من قلبى على ذكرياتك الطازة
وادينى اكتر ههههه
شـكــ وبارك الله فيك ـــرا لك ... لك مني أجمل تحية .

[بدر الدجى]

هههههههههههههههههههه
مرة واحنا بنسحر اختى كانت نايمة على روحها يا عنى مش شايفة قدامها وهى بتاكل مسكت العيش عادى وغمست رجليا شوفتوا بقى
هههههههههههههههه
طبعا مفيش فرق بين دودى والعسل
اشكرك من قلبى على مرورك العسل وردك الاعسل
شـكــ وبارك الله فيك ـــرا لك ... لك مني أجمل تحية .

[بدر الدجى]

الموضوع بصراحة اكثر من رائع ويشجع الواحد انه يشارك ذكرياته باستمتاع
انا الحمد لله فى حياتى الطفولية قصص كتير بس هأقول واحدة يمكن الطرافة فيها انها محزنة شوية !
وأنا فى الابتدائى كنت ماشى مع واحد زميلى رايحين المدرسة الصبح ..بس كان شقى شوية ..المهم ظهر واحد صاحبنا تالت بس كان راكب عجلة ..صاحبى الشقى حب يهزر مع اللى راكب العجلة راح جايب كام طوبة من الأرض وقعد يحدفه بالطوب (شوفتوا الهزار !!...عقل عيال بقى !) كان معدى ساعتها واحدة بتشتغل ادارية فى المدرسة بتاعتنا وانا طبعا معرفهاش لأن معظم تعاملنا بيبقى مع المدرسين فى الفصول مش الاداريين..المهم هى نصحت صاحبى انه يقعد ساكت ويحترم نفسه وهو مطنشها ويرد عليها بطريقة مش كويسة قالتله انا لازم اشتكيك للمدير بتاعك ..اسمك ايه ..مرضيش يقولها على اسمه ..قامت بصت لى وقالتلى اسمه ايه ..طبعا انا كنت فى ابتدائى ولسه شعار الصحوبية والصداقة والصديق بيظهر عند الشدة والحاجات دى كانت لسه فى دماغى ..فمرضيتشى اقولها على اسمه ..راحت قالتلى يبقى انت معاه ..اسمك ايه وانا متأكد طبعا انها مش مدرسة عندنا ومش هتكلف نفسها انها تروح للمدرسة وتقابل المدير وتشكيله اللى حصل ..رحت بكل فخر واعتزاز (مش عارف على ايه !)وبدون تردد قلت على اسمى (الرباعى كمان ..ذكاء بقى !!) وبعدين كل واحد كمل طريقه للمدرسة ...المهم واحنا واقفين فى طابور الصباح وقبل مايبدأ بثوانى لقيت مدرس جاى ناحية فصلنا وراح قايل اسمى وقالى تعالى على المدير ...يانهار --- ...المدير مرة واحدة ! (طبعا واحنا فى الابتدائى كان المدير ده بعبع بمعنى الكلمة ) وطبعا رحت ولقيتها واقفة هناك وقالى اسمه ايه التانى اللى كان معاك ..طبعا هنا مفيش صحوبية ولا يحزنون...قلت اسمه يمكن حتى قبل ما يخلص السؤال ! وبعت نفس الاستاذ وجابه من الطابور و قام المدير رزعنى عصايتين اتنين قعدت طول الحصة الاولى بحالها عمال اعيط !!بس الشهادة لله الادارية دى قالت ان صاحبى هو السبب فى المشكلة وطبعا انضرب اكتر منى وطبعا (لم تذرف عيناه بدمعة !)....يمكن الموضوع مش طريف اوى بس اتعلمت منه درس قاسى انه صحيح الصديق بيقف جنب صديقه وقت الشدة ...بس لازم تحدد الأول الصديق اللى تنفع معاه الحكمة دى مش اى صديق وخلاص ...كمان لازم يكون على حق عشان اقف جنبه !!


ههههههههههههههههههههه
جميلة والله يا Hamadaذكرياتك اوى وعيشتنى فى جو الدراسة بجد
فكرتنى بالذى مضى ههههههه
وفعلا الواحد لما يعمل موقف شهامة ويضحى لازم يكون مع حد يستاهله ويكون على حق
اشكرك من قلبى ومستنيين منك اكتر واكتر
شـكــ وبارك الله فيك ـــرا لك ... لك مني أجمل تحية .