كل واحد فينا بيحلم انه يعمل لنفسه مستقبل جميل
كلنا عايزين بكرة يبقى احسن ....ومهما تعبنا علشان مستقبلنا عمره ما هيبقى احسن لو كانوا اطفالنا مش كويسين ولو استمرينا فى اهمالهم لان مافيش غير الاطفال هما اللى يقدروا يعملوا مستقبل جميل.....وعلشان كده لازم نهتم باطفالنا سواء ابنى او ابنك او ابن البواب كلهم اطفال و المستقبل فى ايديهم، لازم نحسن من نفسنا علشان نكون قدوة ليهم
"ثروتنا الحقيقية بتكمن فى امتلاكنا للعنصر البشرى....وممكن يكون عندنا اعداد كبيرة من العنصر البشرى ده لكن مالوش اى لازمة"
زى دلوقتى مثلا...مصر فيها 13 مليون طفل امى وتقريبا 1.5 مليون طفل وفى الشارع وحوالى 2.7مليون طفل بيشتغلوا ده غير ان فى اطفال كتيرة اهلهم مشغولين عنهم فى البيت وفى المدرسة مش بيلاقوا المدرس اللى ممكن يعلمهم حاجة تفيدهم يعنى مهملين فى البيت وفى المدرسة وبالتالى مش هيكون ادامهم قدوة حسنة يقتدوا بيها
بالله عليك بلد اطفالها بالمنظر ده مستقبل البلد دى هيكونعامل ازاى؟
وده اللى عايزين نغيره
هدفنا
نخرج جيل متربى تربية سليمة...جيل قادر على خدمة بلده وتنمية مجتمعه....جيل قادر على تغير كل السلبيات وتحولها الى ايجابيات.....جيل قادر على بناء مستقبل رائع لبلده
الحملة بتقول لكل اللى عايز يعمل حاجة حلوة لبلده
يفكر الاول فى اللى هيمسك البلد بعده
لان حضرتك ممكن تبنى وتعمر وبعدين يجى جيل يهد كل اللى عاملته
الحملة بتقول للاباء والمدرسين خدوا بالكوا من عيالكوا وبتوضح لهم الاخطاء التربوية اللى بيقعوا فيها عن غير قصد
الحملة دى لكل الناس مش شرط تكون اب او مدرس علشان تهتم بالاطفال
انت تعتبر البيئة اللى الطفل عايش فيها واكيد بتاثر فية ، فحاول يكون تاثيرك فيه ايجابى حتى لو كان الطفلعايش مع اسرة سلبية تأثيرك عليه ممكن يغيره للاحسن
اطفالنا دول كنز ثروة ممكن بيها نبنى مستقبل كويس فى الحملة هنركز اهتمامنا كله على الاسرة لان زى مانتوا عارفين ان لها دور كبير فى خلق مواطن صالح وبالتالى مجتمع صالح،وطفل اليوم هو رجل الغد واكيد الغد ده هيبقى مش كويس لو كان طفل اليوم غير سوى، ده غير انه ليها دور كبير فى وجود اطفال الشوارع....وكمان هنركز على المدرسة لان دورها زى الاسرة بالظبط والاتنين بيكملوا بعض وكمان.....بقولك اية ماتشوف جروب الحملة احسن وتعرف اية الموضوع ط*ظ…ظ„ط© ظ…ط³طھظ‚ط¨ظ„ظ†ط§ ظپظ‰ ط¥ظٹط¯ ط£ط·ظپط§ظ„ظ†ط§ | Facebook وياريت لو تنضم للفريق ويكون ليك دور ايجابى فى زيادة الوعى التربوى لو عايز تنضم ابعتلى بياناتك "الاسم – البلد – المهنة او الكلية لو كنت طالب" على الميل ده our-children@hotmail.com (ارجوا من المشرفين اظهار الميل) الموضوع بدأ بفكرة وكبر معانا لغاية مابقى ضرورى اننا نأسس جمعية اجيال مصر للتنمية لرعاية كل الاطفال وكل الاسر المصرية فى كل حتة فى مصر شارك معانا
__________________
على اسم مصرالتاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكه الأرض شرق وغرب
وبحبها وهي مرميه جريحة حرب
بحبها بعنف وبرقةوعلى استحياء
العرض العادي
