| الساحة العامة و اللقاءات منتدى التعارف و الساحة العامة |
 |
| حفظ الرابط | أدوات الموضوع | طرق مشاهدة الموضوع |
 |
اولا اولا وانت داخل حط الكمامه على بقك ثانيا: بعد كل سطر تروح تغسل ايدك lيه بالمية والصابون ثالثا:لو اشتبهت فى اى اعراض هسهس فى المخ واشرأباب فى العنق مع اهتزاز حاد فى الركبه وحول طفيف فى النينى تروح تموت نفسك وتريحنا هاتشىىىىىىىىىىىىىىى ولقد انذر من اعذر ندخل باه على المهم فاكرين فى السبعينات لما الشعب المصرى اكل بولوبيف ماركه هو هو ونو نو (لا ياخفيف مكنتش موجوده فى السبعينات بس قالولوا على راى عادل الامام) وبما ان معدة المواطن المصرى تهضم الظلط فاقل واجب تهضم الخنازير والحشرات السامه وكل ماتشتهيه الانفس حتى لو حطوا زلومة فيل فى رغيف عيش عادى جدا هناكل ونهضمها وادينا اهو اكلنا فاكهه مسرطنه واهو شعب عفريت لسه عايش وبيقول كمااااااااااان فمن غير لف ودوران ووش كده علطول انا جالى خبر من مصدر موثوق فيه ان الخنازير متنكره وعامله نفسها مستر لانشون وميس بيفى وبسرطمه واتحداكو واراهنكو ان الانشون والبيفى والبسطرمه هيدخلهم لحوم خنازير وانسوا باه البيض بالبسطرمه بطلوا طفاسه شويه واعملوا ريجيم اصل بالعقل الاطنان اللى هتشرف فى التلاجات دى هيودوها فين؟؟؟؟؟ هيرموها مثلا لا طبعا الشعب موجود ويسد وادبحى ياحكومه وكل ياشعب وال يقولك السياح ياكلوها !!!!! سايح مين ده ابو نفس حلوه اللى بعد مشاف فضيحه الخنازير فى الفضائيات ضاقت بيه خلاص وجاى ياكل خنازير مصر المتربيه على العز...!! واعتقد الخنازير اللى ياعينى اتفضحت واتغرغر بيها بين خنازير العالم لازم تعمل جمعيه لحقوق الخنازير فى مصر وينزلوا بيان ينددوا ويشجبوا العيشه اللى عايشنها ويطالبوا بمساواتهم مع اخوانهم الخنازير فى بقية دول العالم الا سؤال محيرنى اوى هى ليه الخنازير بتاعة مصر لونها اسود وبره ابيض... وتلاقى كده الخنزير عندنا جربان وشكله عدم وتحس انه دايخ مش عارفه ليه...؟؟ اللهم مابلغت اللهم فاشهد والحمد لله يارب مش بحب الانشون والحجات دى بس اخويا اعتقد انه اكل كام خنزير كده!! ايه غريبه ولا غريبه..وبعدين فى مصر بلدى لاتتعجب فكل شئ متاح وقابل للتطبيق خلصنا موضوع الخنازير ندخل باه على القمح ابو حشرات وبذور سامه زورونا تجدوا مايسركم مش حارماكو من حاجه اهو الحكومه قايدالنا صوابعها العشره واحنا ولا مقدرين عملولنا رغيف عيش بصراصير و روح اقرى كده هتلاقى الصراصير كلها فوايد ومع الصراصير كان فى شويه مسامير علشان يقوا المعده بتاعتنا وبعدين قالوا باه الجديد نستورد من روسيا شويه قمح بحشرات مستورده وبذور مسممه... فى محاوله لتحسين صحة المصريين وجعلهم يتكيفوا على اى حاجه علشان نباه كده جربنا كل حاجه كمواطنين.... وانا من منبرى هذا بشكر الحكومه على مجهوداتها الجباره وخصووووووصا العيش ابو حشرات بيعملى دماغ حشرات عاليه جداااااااا ومستنيه قرار استيراد الملابس اللى فيها جرب وياسلام كده تلاقى الشعب كله ماشى بيهرش وبكده نكون جربنا كل حاجه ونروح نقدم فى موسوعه جينيس للارقام القياسيه اننا اكتر شعب صابر وراضى وحامد ربنا وعمااااااااااار يا ام الدنيا والله يابلدى طول ما انا مش راضى على حكومتك مانا ساكت الحقيقه الحقيقه احنا شعب مش بيطمر فيه...؟؟؟ انا بس اللى مش فاهماه مين اصلا اصلا كان بيجيله قلب ياكل الخنازير دى ,, مشافوش منظرها؟؟؟؟
__________________  "But, "this globe is so ill-constructed, so irregular, All here appears chaotic; look at these little brooks, not one of which goes in a straight line, and these ponds, which are neither round, square, oval, nor of any regular form Observe too the shape of the globe as a whole. In truth, what chiefly makes me think there is nobody here, is that I cannot suppose any sensible people should wish to occupy such a dwelling." well, said Micromegas, "perhaps the people who inhabit it are not sensible" | | |||
| مشرف على الساحة العامة
| | ||
|
احنا هنفضل ساكتين لحد امته يا اسلام انا باه قلبى جايبنى
__________________ "But, "this globe is so ill-constructed, so irregular, All here appears chaotic; look at these little brooks, not one of which goes in a straight line, and these ponds, which are neither round, square, oval, nor of any regular form Observe too the shape of the globe as a whole. In truth, what chiefly makes me think there is nobody here, is that I cannot suppose any sensible people should wish to occupy such a dwelling." well, said Micromegas, "perhaps the people who inhabit it are not sensible" | | |||
| مشرف المنتدى الاسلامى
|
السلام عليكم ورحمة الله وبركاته وكم فيكى يامصر من مضحكات وكنه ضحك كالبكاء شكراً لك اخي الكريم
__________________  | | |||
|
شكرا يا اشرف منور والله هل انت راضى على اللى بيحصل دة
__________________ "But, "this globe is so ill-constructed, so irregular, All here appears chaotic; look at these little brooks, not one of which goes in a straight line, and these ponds, which are neither round, square, oval, nor of any regular form Observe too the shape of the globe as a whole. In truth, what chiefly makes me think there is nobody here, is that I cannot suppose any sensible people should wish to occupy such a dwelling." well, said Micromegas, "perhaps the people who inhabit it are not sensible" | | |||
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التعليمات | قائمة الأعضاء | التقويم |
العرض العادي
