[زئردة]

السلام عليكم
مش هتكلم عن بيع المقاولون العرب
ولا اللواء عدلى مدير الامن
كل اللى شدنى فى حلقة امبارح
كفر حميد
الكفر ده يبعد عن القاهرة 40 كيلو
ويعتبر من افقر قرى مصر
سكان الكفر بيشتغلوا وبيكسبوا من البامية
بيجيبوا بامية ويامعوها وكيلو البامية المامعة ب10 قروش( هى العملة دى لسه شغاله اصلا)
وطبعا لكى ان تتخيل علشان يجمعوا خمسة جنية ولا جنية حتى عايزين كام كيلو
القرية دى فيها مدرسة واحدة ابتدائى واعدادى والفصل فية 70 طالب
وطبعا المية هناك غير صالحة للاستخدام الادمى
وبصراحة انا مش عارفة اذا كانت مجلة المصور اللى هى نشرة الموضوع بتاع كفر حميد ده بتتكلم جد ولا ده هزار واكيد مش هزار علشان عمرو اديب مش بيقول حاجة غير لما يكون واثق فى صحتها

عايزة الناس ذات القلوب الرحيمة تتخيل الناس دى عايشة ازاى
ونفكر مع بعض لو نقدر نساعدهم بحاجة ومش هنختلف اذا كان ده دور الدولة ولا دورنا مش مهم دور مين بس ندخل الفرحة على قلوب ناس زى دول

انا جاتلى فكرة هى:
مجموعة من الشباب تروح تشوف ظروف القرية دى واحتياجاتها
وبعدين يجوا يقولولنا هما شافوا اية
ممكن نساعد فى حاجات كتيرة
مثلا مثلا
لو ينفع ناخد شباب من هناك نعلمهم حرفة نجارة سباكة اى حرفة ويبتدى يشتغل
لو فى حد مريض ومش عارفين يعالجوه حد يتبرع بمصاريف علاجه
لو نقدر نوفرلهم مية نضيفة
نشوف احتياجات المدرسة
لو مقدرناش نعمل اى حاجة من دى خالص
يبقى نعمل حملة
نقول للصحفين والمسئولين ان القرية دى هنا الناس دى موجودة
كل اللى هنعمله اننا هنتكلم عن القرية دى وظروفها
اهو العيار اللى مايصيش يدوش بس نعمل حاجة تنفع الناس دى

ها اية رايكوا؟؟؟؟؟؟؟؟
ولا الفكرة هبلة والعضوة عبيطة ولا اية؟؟؟؟؟

[SABRY]

شكرا يا زئردة على حبك لمساعدة اخواتك و انا بضم صوتى لصوتك لو حتى نعمل حملة تبرع ليهم عشان تتحسن ظروفهم المعيشيه

[زئردة]

شكرا لحضرتك على المرور وعلى الرد
خدت بحسى الله يجبر بخاطرك

[yasmina]

انا شفت الحلقه يا جميل وعندك حق تخيلى ناس مهنتهم يامعوا باميه بجد حاجه فظيعه بس على راى عمرو اديب الرساله اللى على الموبايل بتتبعت 35 قرش يعنى قد تاميع 3 كيلو باميه ونصف

شىء مؤسف وقال بيقولوا الشباب اللى فى مصر بيسيبوا البلد ويمشوا ليه

يعنى تخيلوا الناس دول ممكن بجد يكون عندهم حب للبلدبعد اللى بيحصل ليهم ياريت نساعدهم
بجد وموضوعك جميل ياقمر

والله كنت مكسوفه وانا بتفرج على فضيحتنا على الفضائيات والحاله اللى وصلت ليها مصر

[زئردة]

شكرا على ردك يا ....ياسمينا
وانا كنت منتظرة حد يقول انه هيروح يشوف القرية دى ويصورها
اى حد من هواة التصوير
المهم على ماحد يتبرع و ويعرض انه يروح يشوف القرية ، احنا ان شاء الله هنبعت رسايل للصحافين وبعض البرامج يمكن حد منهم يروح يشوف الناس دى ويكون فى الموضوع ده خير ليهم
والموضوع مش هيكلفك حاجة خالص انت هتاخد الايميلات وهتبعت رساله فيها معلومات عن القرية وهتلاقيها مكتوبة فى اول مشاركة ولو حبيت تزود كلام من عندك يبقى خير وبركة
علشان ربنا يفرج عننا كربة من كربات يوم القيامة وماتنساش النية قبل ماتبعت الرسايل

ايميل الاستاذ خيرى رمضان
baridelgomaa @ahram.org.eg
ايميل الاستاذ احمد رجب
a_ragab @akhbarelyom.org
ايميل الاستاذ مصطفى بكرى
mostafabak @hotmail.com
ايميل الاستاذ بلال فضل
belalfadl @hotmail.com
ايميل الاستاذ هانى شمس
hanyshams99 @hotmail.com
برنامج العاشرة مساء
al3shera @dreams.tv
برنامج 90 دقيقة
90min @elmehwar.tv
جريدة اخبار اليوم
akhbarelyom @akhbarelyom.org
rasael_khasaa @yahoo.com
جريدة المصرى اليوم
editorial @almasry-alyoum.com
الاستاذة هبه عمر
hebaomar5 @hotmail.com
عمو حليم
halemo_9 @yahoo.com
واللى يعرف ايميلات حد تانى يقولنا عليها

نص الرساله وياريت تكون بعناوين مختلفة

اولا السلام عليكم ورحمة الله وبركاته
لو كان برنامج هنقول اشكركم على مجهودكم الرائع واشكر كل العاملين فيه والقائمين عليه
وجزاكم الله عنا خير الجزاء
رسالتى بخصوص كفر حميد وهذا الكفر يبعد عن القاهرة 40 كيلو متر
اوعى حد ينسى ويقول كيلو جرام
وهو يعتبر من افقرافقر100قرى مصرية فاهل هذا الكفر يعملون فى تاميع البامية ويبيعون كيلو البامية المامع بعشر قروش
ويوجد فى هذه القرية مدرسة واحدة ابتدائية واعدادية ويوجد فى الفصل 70 طالب
والمياه لديهم غير صالحة للاستخدام الحيوانى او النباتى فهى فى الغالب ليست مياه
لك ان تتخيل سيدى الفاضل معاناة هؤلاء وظروف معيشتهم
والذى نرجوه من سيادتكم هو زيارة هذا الكفر وعمل تقرير عنه ولفت نظر الناس والمسئولين اليه لعلنا نجد من يقوم بمساعدتهم وتوفير حياة افضل لهم ويصبح العشرة قروش جنيها على الاقل
فهو غير موجود على الخريطة ولا احد يعلم عنه شىء

فكم تعودنا منكم على اظهار الحق ومساعدة من باستطاعتنا مساعدته
وشكرا وناسف عن الاطاله
التوقيع: مبتكرون
او مش مهم توقيع براحتكوا يعنى
ها مين هيشارك