[SABRY]

السلام عليكم احب اشاركمم بأفكار ازاى ننظم يومنا فى رمضان و خلينا نصنف نفسنا و مشغولياتنا و بناء عليه نحاول ننظم جدول يومنا فى رمضان ولو حد عندو نصيحه او تعديل على جدول اخوه ممكن يساعدو فى تنظيمو

الاول انا من مدمنى الشغل يعنى مش بحب الفسح ولا النوم الكتير ولا الخروجات

و بقضى اغلب رمضان فى الشغل فأنا هحاول اخلى يومى فى رمضان كالاتى و اللى عندو اى اقتراح او تعديل ممكن يقول
نبدأ من بعد الفجر

بعد الفجر هنام لغايه الساعه 7 الصبح و اصحى عشان الشغل الساعه 8 صباحا
هفضل شغال لغايه قبل الفطار بساعه

طبعا الصلاه ان شاء الله كلها فى جماعة

قبل الفطار بساعه هروح اجيب اكل من اى مطعم و افطر و بعد الفطار اشتغل تانى لغايه قبل العشاء بشويه

بعد كدا التراويح و بعدها احاول اققرا من نص جزء لجزء قران بأذن الله و بعد كدا اما اشتغل لغايه الساعه 1 او اذاكر او اققرى اى مقال و قبل ما انام احاول اصلى ركعتين
اصحى للسحور و بعدها اصلى الفجر و ارجع انام ساعتين

يعنى ان شاء الله مجموع ساعات النوم من 4 ل 5 ساعات

الاجازة هتبقى الجمعة بس هقضيها فى البيت مع العيلة اساعدهم و اريح شويه من تعب الاسبوع هيبقى نفس البرنامج اللى فوق بس من غير شغل بالنهار
بس احتمال اشتغل شويه باليل

مستنى ارائكم و اشوف جداولكم ممكن يكون حد بيعمل حاجه كويسه يقلدو او ياخدوها منو و يعدلها على ظروفو

شكرا ليكم

[jovedal]

ان لقلبك عليك حق..... فين ساعات النوم المناسبة لراحة اى جسم المفروض 8 ساعات بليل متواصلة و مفيش مانع انك تقوم للسحور و لصلاة الفجر و قراءة القرآن لحد ما تطلع الشمس و ممكن بعدها الواحد ينام شوية لحد ميعاد الشغل و بالنسبة ليا الكليه طبعا و لما الواحد يخلص شغله يقرا يريح شويه و يقرأ قران لحد ما يأذن المغرب و بعدين لو حتشتغل تانى اوك و انا عن نفسى بقى حذاكرو انام بدرى و هكذا و طبعا الصلاة على ميعادها

[الفارس المصرى]

ايه يا صبراوى
حرام عليك
الجدول ده ليك انت لوحدك
انا جدولى كالاتى
صلاه الفجر
صحيان نقرا شويه قران حلوين
وبعد كده هاقعد على النت شويه
من 9 الى 11 او 12
والضهر
بعد كده انام من الضهر للعصر
هو ده النوم بتاعى
والعصر بعد الصلاه
بيبقى على النت فى الايام العاديه
طبعا فى رمضان هيكون قران ان شاء الله
وبعد المغرب والفطار
شويه قاعده مع العيله فرفشه
والعشا والتراويح
بعد كده النت
وشويه بقه وقت فراغ
لو فى خروج ولا حاجه
ولا مشوار ولا زيارات
لحد الساعه 1 او 2
بعد كده اروح امسك كتاب من الكتب اللى هريتها
وحفظتها عشان مش عارف اجيب غيرها
لحد قبل الفجر
وهكذا
طبعا هتقولى فين الشغل
هاقولك انا مش بشتغل من شهر تقريبا
انما اللى انت عامله ده
حرام
وبعدين ليه مبتفطرش مع الجماعه فى البيت

[jovedal]

قوله يا فارس دى اللمة كلها بتبقى فى رمضان

[الفارس المصرى]

والله حرام عليك
ده حلاوتها وانت قاعد فى البيت ساعه الفطار
انا شخصيا عمرى ما اتغديت فى البيت
بس عمرى ما فوت فطار فى البيت فى رمضان