| التسجيل |
| الساحة العامة و اللقاءات منتدى التعارف و الساحة العامة |
 |
 
 |
__________________  إليكم يا من أحببت فى الله .. إلى من فارقنا معذوراً أو مهموماً .. نفتقد حروفكم .. دفء تواجدكم .. همسكم .. ضحكاتكم ... وننتظر عودتكم .. إلى ما شـاء الله | | |||
| اميرة البحر
|
اسلوبك جداا رائع يجعلني انتظر الباقي والجميل حقا هو ان كلامك كله من الواقع ويخرج القارئ من موضوعك بفائده اشكرك علي موضوعك الجميل والمفيد وفي انتظار الباقي اميره البحر
__________________  | | |||
| مصرى نشيط
|
اقتباس:
كهرمان ... جزاكِ الله خيرا على المرور و التعليق الذي يشجع بحق .. جزانا و إياكم , و نفعنا و إياكم بما نكتب ..
__________________ | | ||||
| مصرى نشيط
|
اقتباس:
أميرة البحر ... شكرا جزيلا على التشجيع .. و أنا أكتب كما أحب أن أقرأ !!! و أحاول أن أضع نفسي مكان القاريء و أهي كلها بدايات ... و فقنا الله و إياكم لما يحب و يرضى ..
__________________ | | ||||
| مصرى نشيط
|
>>> تابع ممكن حد يقول : ييييه ... يا عم ماشي , أنا مكتئب و عاوز أبقى مبسوط ... بس ما ينفعش , المشاكل و القرف و الذكريات المؤلمة من كل جانب  ... ما ينفعش ما أكونش حزين و لا مكتئب !!! بص يا سيدي المشاكل أو الحاجات اللي قارفاك و مزعلاك و مخلياك مكتئب أصابتك منذ متى ؟؟ سنة مثلا ؟ سنتين ؟؟ شهر ؟؟ شهرين ؟؟ طيب انت بدأت الاكتئاب و الخنقة و الحزن و الهم من قد ايه ؟؟ تقريبا من نفس التاريخ .. صح ؟؟ أو من بعدها بشوية , يعني بعد المشكلة بشوية حضرتك رحت "مديها" اكتئاب و بكاء على الأطلال و الذي منه .. صح ؟؟ طيب ... هاه و بعدين ؟؟ ايه اللي حصل ؟؟؟ ما حصلش حاجة ... صح ؟؟  يعني الكآبة و الحزن و الخنقة و الهم اللي انت فيه لم يحلوا المشكلة !!!! صح ؟؟  لو كانوا بيحلوها أو حتى بيخففوها قلت قلت لك يا عم عيط و افلق نفسك من العياط , و خلص مناديل قد اللي خلصتهم أم كلثوم في حياتها كلها  , و "اصرخ و قول يا لهوتي" بس للأسف , ما لهمش أي تأثير إيجابي ,و بعدين عيني في عينك كدة ... بالله عليك .. ما زهقتش من نفسك و حالتك التي يؤسى لها دي  ؟؟ و مش نفسك تعيش حياة طبيعية عادية زي أي حد عايش عادي يعني  , مش هقول لك مبسوط و "مزقطط" لكن عايش عادي من غير الهموم و الكآبة طول الـ24 ساعة دول ؟؟؟عاوز الصراحة ....  ...... أمال انت متمسك بيهم ليه ؟؟؟ احتمال تكون اتعودت عليهم  .. بجد , فعلا انت ممكن تتعود عليهم زي أي حاجة بتعملها فترة و بتتعود عليها ,أو تكون بتحاول تقنع نفسك أو تكون شايف إنك لما تعيش نفسك في الكآبة و الاكتئاب فأنت كده بتعاقب نفسك اللي انت كارهها  , أو بتثبت وفاءك للشخص اللي "كنسلك"  -على فكرة هو فعلا كنسلك , و ما يستحقش منك ده كله , انسى زي ما نسى هو !!- , أو شايف ان الحزن و الهم يعتبروا تبرير للحالة اللي انت فيها قدام الناس  , يعني لو انت مثلا مش لاقي شغل و عايش مبسوط الناس هتقول شوف الواد اللي ما عدهوش دم ده  , إنما انت بتكتئب علشان "يتبسطوا منك" و يقولوا شوف يا حبة عيني  الواد "الحسيس" اكتئب علشان مش لاقي شغل ....يا عم يولع الناس على كلام الناس ,  انت أهم حاجة يا عم الكتكوت ..... ما حدش من الناس د ول هينفعك خالص , و لا حتى الشفقة أو المساندة العاطفية دي , انت اللي المفروض تسعد نفسك وما تستناش عطف و لا مساعدة من حد ....و بعدين العملية مش مستاهلة "أي دمعة حزن" ياد ... و الله ما هي مستاهلة :رأى إبراهيم بن أدهم رجلا مهموما فقال له: أيها الرجل إني أسألك عن ثلاث تجيبني قال الرجل: نعم . فقال له إبراهيم بن أدهم: أيجري في هذا الكون شئ لا يريده الله؟ قال : كلا قال إبراهيم : أفينقص من رزقك شئ قدره الله لك؟ قال: لا قال إبراهيم: أفينقص من أجلك لحظة كتبها الله في الحياة؟ قال: كلا فقال له إبراهيم بن أدهم: فعلام الهم إذن؟؟ ! -و على فكرة ... احنا اتكلمنا عن موضوع الهم و طبيعته و الاستفادة منه في موضوع : ايييييييه دنيا !!!- دلوقتي أنا عاوزك تبقى مقتنع إنك لازم تتغير و إن وضع الكآبة و الحزن و الهم اللي انت فيه ده لازم يتغير .. و إنك انت بس -بمدد من الله قبل كل شيء طبعا- اللي هتقدر تساعد نفسك  ... الناس ممكن يدلوك أو يرشدوك .. لكن انت بس اللي هتقدر توجه نفسك و تمشيها و تنتشلها مما هي فيه ..هاه ... خلاص اتفقت معايا في الثلاث نقاط السابقة دول ؟؟ يبقى ندخل على الخطوة التانية ... معلش .. هطول شويتين .. استحملني ... دلوقتي هنتكلم عن التغيير ... و التغيير زي ما بيقول بتوع الحكومة  ... لازم ينبع من الداخل ...و علشان الداخل يتغير يبقى لازم تديله بديل ... لأننا زي ما تكلمنا في موضوع سابق -عاوز أبطل ما تبطلشي-, انك ما تقدرش تلغي حاجة في دماغ جنابك العالية ... إنما ممكن تستبدل ,  يعني عمرك ما هتقدر تقول أنا من النهارده هانسى الحزن ...  إنما لازم تحط حاجة تانية تعملها و تملى عليك الفراغ اللي هيسيبه في داخلك ..يعني مثلا انت أكيد هتلاقي نفسك متعود أول ما تقعد على السرير مثلا تنتابك الأحزان و اللذي منه ,,, لو عملت فيها واد جامد و برضه قعدت على السرير و قعد تقول : مش هفتكر الأحزان , مش هفتكر الحاجات اللي بتخليني مكتئب  .... هتلاقي نفسك بكل بساطة , افتكرت كل حاجة تخليك مهموم و مكتئب  ..إنما تحط حاجة بديلة , يعني مثلا أول ما تقعد على السرير تجيب كتاب تقرأه , تمسك الموبايل و تديها ميسدات على اصحابك  ..... تعمل اي حاجة , المهم أن تجد بديلا عن الشيء اللي انت ناوي تبطله ..أهم حاجة بقى يا عم الأمور في علاج الاكتئاب "و سنينه" هو ....... الهدف !!! انك يبقى عندك غاية و هدف تصبو إليه ..-حلوة تصبو دي - ,طول ما انت عايش كده من غير هدف هتلاقي نفسك "عايش و مش عايش"  و مش قادر على قرف الدنيا دي ... و كل شوية هتكتئب لأنك مش عارف انت بتعمل ايه هنا أصلا ؟؟ على فكرة .. أنا كنت لمدة طويلة مش عارف أحط هدف برضه , و مش عارف أنا عاوز أبقى ايه ؟؟ بس الحمد لله , بعد ما استخدمت هيد أند شولـ.... قصدي بعد ما قرأت كتاب بعنوان "الرسالة أو الرؤية" للدكتور صالح الراشد الموضوع اتظبط , الكتاب ماشي معاك خطوة بخطوة و بجد إن شاء الله هيخليك تقتنع بضروة أن يكون لك هدف , و كيف تضع هدفك ...و هذا هو رابط الكتاب : مش لاقيه دلوقتي ... هبقى أرفعه من الجهاز و أحطه إن شاء الله بس ممكن روابط منتديات لو المنتدى يسمح : http://www.lawen7.com/vb/showthread.php?t=2207 http://www.tajeir.com/vb/showthread.php?t=8773 بعد ما حضرتك حطيت الهدف إن شاء الله , و ما خدتنيش على قد عقلي و نزلت الكتاب و لم تقرأه .. لازم "تخش و بلاش تكش"  على الخطوة التالية ..دلوقتي ... لازم جنابك تعمل زي أحمد زكي و ...... تتقدم ترارارارا اتقدم ترارارارارارا ...يعني ما تقبفش محلك سر ... كل يوم لازم تقرب و لو 1 ميكرون من هدفك -بس بلاش 1 ميكرون دي , خليها أكبر شوية  - , حتى لو بقدر ضئيل و بمعدل بطيء ..لأن طاقة الإنجاز طاقة رائعة جدا و من أكبر الحاجات المضادة للاكتئاب  ... لما تحس إنك عملت حاجة , حتى لو بسيطة , هتزيد ثقتك في نفسك  , و هتلاقي "الكابتن" تأنيب الضمير و جلد الذات "هدّى اللعب" ... المهم ما تعديش اليوم إلا و تكون عملت حاجة حتى و لو كانت صغيرة  ... ما تنساش دي الله يخليك علشان دي مهمة قوي ..و ما تنساش الهدف الأساسي الذي من أجله خلق الله السماوات و الأرض ... العبادة !!! و افتكر أول ما تصاب بهم في الدنيا إنها فانية و مش مستاهلة , و إنها مش هدفك الأساسي أصلا , انت هدفك الآخرة و الدنيا ما هي إلا جسر للآخرة , فمش مستاهلة تعمل في نفسك كل ده , عن عبد الله بن مسعود قال: لو أن أهل العلم صانوا العلم ووضعوه عند أهله لسادوا به أهل زمانهم ولكنهم بذلوه لأهل الدنيا لينالوا به من دنياهم فهانوا عليهم سمعت نبيكم صلى الله عليه وسلم يقول: " من جعل الهموم هما واحدا هم آخرته كفاه الله هم دنياه , ومن تشعبت به الهموم في أحوال الدنيا لم يبال الله في أي أوديتها هلك " برضه اعمل حاجة جديدة في حياتك .. جدد حياتك ... أي حاجة و لو كانت بسيطة بس تبقى جديدة ..علشان تعمل زي "ميلودي" و "تقتل الملل" و الرتابة –على فكرة دي قناة مملة طحن ... هي اللي عاوزة تتقتل - , و ما يبقاش "اللي تبات فيه تصبح فيه" ..يعني لو هتقرأ صفحة من كتاب يوميا .. أو تحفظ مثلا خمس آيات بس في اليوم أو .... المهم تعمل أي حاجة جديدة و "تنجز" حاجة جديدة كل يوم ... حاجة مهمة برضه .. الرياضة للجميع  يا عمو , و بما أنك من الجميع تبقى الرياضه ليك انت كمان ...... ابسط يا عم ...كنت قرأت إن النشاط الرياضي بيخلي الجسم يفرز هرمون مش عارف ايه كدة , اللي بيخليك تشعر بالسعادة , ده غير الثقة بالنفس و جريان الدم في عروقك و في الأماكن اللي ما كانش بيقدر يوصل لها في العادة من غير الرياضة  ...يعني لو مثلا هتعمل كل يوم 150 ضغط -مش للدرجة دي يعني , أنا بجيب 20 بالعافية - أو أي حاجة في البيت لو مش قادر تمارس رياضة خارج البيت ... المهم انك تعمل نشاط رياضي و خلاص ...آخر حاجة بقى علشان لو الكلام اللي فات ده ما جابش نتيجة معاك ... يبقى تاخد على دماغك شوية ... و يا ريت ما تزعلش مني ... الكلام ده لو انت لسه مش ناوي تتغير و تخرج بره مود الكآبة ده .... ... .. . >>> يُتبع : الجزء الأخير
__________________ | | |||
|
| مواقع النشر |
| العبارات الدلالية |
| ايه, طول, تفضل, على, كده, مكتئب, ناوي, ؟؟؟ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التسجيل | التعليمات | قائمة الأعضاء | التقويم |
العرض العادي
