[دودي الشقية]

امتحان السفارة المصرية للحصول على الجنسية المصرية أو التأكد من الهوية المصرية

يشترط لدخول الامتحان ان يكون معاكي كل أدواتك اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)

في حالة لو احتجتي لورقة اجابة زيادة اطلبي من المشرفة مع مراعاة عدم كتابة اسمك عليها (ما هي مش فارقة هتنجحي هتنجحي)


السؤال الأول:اختاري من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى مصر كان في الأصل......(حلاق - نجار - تاجر مخدرات - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج صباح الخير ............ (يا ماما - يا بابا - يا خالو - ياريس - يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – جمال مبارك - كل ما سبق)

7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

8- اشهر مغني مصري هو عبدالحليم .... (دياب - حافظ - سموزين - فؤاد)


السؤال الثاني:أكملي الجمل الآتية بكلام من الآخر:

1- انتبه من فضلك السيارة ترجع إلى............

2- ماما زمنها............

3- من خلال تجاربك السابقة...البامبرز استيك منه............ .

4- اسم والد اللاعب وائل جمعة الحاج............ ..



السؤال الثالث:ضعي علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )




السؤال الرابع : التعبير الحر
اكتبي فيما لا يزيد عن 3 سطور تعليق على اخر متش للاهلي و الزمالك


السؤال الخامس : عللي
1- مازالت كرة القدم هي اللعبة الشعبية الاولى برغم ان احنا ملناش فيها
2- ذكاء الشعب المصري الخارق برغم من اعتماده على الفول كغذاء اساسي
3-وجود السحابة السوداء برغم ازالة جميع اكشاك البطاطا المتحركة



مبروووووووووك نجاحك في الامتحان
دلوقتي تقدري تقولي انك مصرية بجد

[rasha R]

[align=center]هههههههههههههههههههههههههههههههههههه
بجد امتحان لذيذ وجميل
على كده انا لو دخلت الامتحان ونجحت هاخد الجنسية المصرية
طيب والله كويس
يلا بدل ما ارفع قضية واوكل محامي واتعب نفسي الطريقة دي اسهل بكتير من شغل القضايا
تسلم ايديكي يا دودي على موضوعك الجميل وان شاء الله يارب اخد الجنسية المصرية بجد بس اروح على مصر ان شاء الله ادعولي
[/align]

[ŞŸŞŤЁМ]

بتتريقي على جنسية مصر احسن بلد في الدنيا كلها مصر ولو حد مش عاجباه مصر يشوفله بلد تانية دي وجهة نظري

[دودي الشقية]

أشكرك يا رشا يا عسل .. هو انتي مش مصرية ؟؟؟ أنا كنت مفكراكي مصرية .. عموما يا عسل مصر بترحب بيكي و خصوصا انك عقلية انا اجدها جبارة .. ربنا يحميكي و يسعدك

تقبلي خالص احترامي و تقديري لك

[دودي الشقية]

وجهة نظر يا سيستم .. ولو أنا مش عاجباني مصر فعلا كنت غيرت جنسيتي بدون ما أخد رأيك .. الموضوع مجرد هزار و أنا ما اتريقتش على مصر كبلد و مفيش اي اساءة أخلاقية يعني لا شتمت ولا أي حاجة " الحمد لله أهلي عرفوا يربوني كويس وعلموني حب وطني بالرغم اني مش عايشه فيه " .. واخرتي راجعة لمصر فلو أسأت لمصر بالالفاظ فأنا هبقى قليلة أصل