[sun_2008]

الى مقدرش اغيرة اتأقلم علية




ايوة
الى مقدرش اغيرة اتأقلم علية

دة مبدئى والى انا شخصيا مقتنعة بية وبطبقة فى حياتى

لان فى حاجات كتييييييييييييييييير قوى فى حياتنا الواحد ما بيملكش انة يغيرها او مستحيل او صعب انة يغيرها فى كل الحالات دى الى قدامنا اية ان احنا نتأقلم علية

فى ناس اعرفها تلاقى نفسها قدام وضع مش قادرة تغيرة ,تعمل اية تلاقيها تعاند فية وتعاكس ولا هى بتفوز بتغير الوضع ولا الوضع بيتغير

يعنى كمثال مثلا حال البلد دلوقتى وان ما فيش فرص مناسبة للخرجين وان كل خريج بيخرج يشتغل فى غير تخصصة خالص دة لو اشتغل من الاساس

طب الوضع دة هل مستحيل تغيرة لا طبعا بس صعب وهياخد وقت ممكن سنين وقرون بس هيتغير

طب احنا نعمل اية عقبال ما يتغير .................... نقلب نعيشنا احنا بقى وما نقلش لا اصل دة مش تخصصى ولا هو المرتب المجزى طب ماهو انت ما تتأمرش بقى وقلب عيشك لغاية ما تلاقى الفرصة المناسبة وبعدين يعنى ما كلها خبرة يعنى مش هضرك فى حاجة +وبعدين اذا ماكنش الشاب مننا يتعب فى شبابة هيتعب امتى يعنى , وبعدين يعنى هو مضيقة قوى انة مش هيشتغل فى تخصصة وال يعنى كان بيطلع من الاوائل او مش مكسوف وهو بياخد مصروف من اهلة دلوقتى بنلاقى شاب زى ضرفة الباب وبياخد مصروف لسة حاجة تكسف والله , دة غير ان الشغل بيجيب شغل ودى شفتها كتييييييييييييييييييير سواء على المستوى الشخصى او الناس المكافحة ممكن تلاقيها كانت شغالة فى شغلى بسيطة جداااااا ومع الوقت بدات تتعرف على ناس يدولها على شغل افضل وافضل وهكذا لغاية ما بيوصل للمكانة الى كان يتمنها واحسن كمان

[rasha R]

كلام جميل يا sun بس مش في كل الحالات اللى ما اقدرش اغير الوضع فيها استسلم وارضى بيه
يعني المثال اللى قولته حلو والمفروض كل واحد يعمل زي مابتقول لانه الوضع ده على الكل مش على شخص بعينه وانما على الاف وان كان على ملايين الاشخاص قاعدين لا شغلة ولا مشلغة فكان لابد من البحث والسعي (اسعى ياعبد وانا اسعى معاك )يعني ربنا مش بيضيع تعب حد على الفاضي
ولكن هناك امور لابد من تغيرها ويمكن نحن نتكاسل في تغيرها مش معنى كده اني ارضى بيها وارضى بالامر الواقع واتأقلم معاها واقول خلاص انا هتعود على كده كمثال بسيط شخص مش عجبه صفة او عادة سيئة فيه ومش قادر يتخلص منها او يعدلها معنى كده يفضل بالصفة السيئة دي وتفضل الناس مش طايقاه عشان هو مش قادر يغيرها
لا انا ما ارضاش بكده لازم نحسن من نفسنا عشان نقدر نعيش صح واللى بيكون عليا وعلى الكل ومش قادرة اغيره ساعتها اتأقلم عليه لانه عليا وعلى الكل ومفيش حل ليه
يعني الحكاية في حاجات الوضع الخارجي هو اللى بيفرض علينا انه نتأقلم معاه وحاجات تانية المفروض انه نغيرها ونسعى بكل جهدنا لتغيره ده خلاصة القول عندي
وتسلم ايديك على موضوعك وتقبل مروري

[Abo hafs]

[align=center]
موضوعك رائع وجميل يا صن وانا سعيد أنك أخيرا بتشاركى معانا
صراحة أختنا رشا أتكلمت وأنا معاها فى كل كلمة قالتها وأحب أضرب مثل كمان
فى وضع البلد والحكم بغير ما أنزل الله يعنى لو أنا أقتنعت ورضيت بالحكم الوضعى دا يبقى أنا كدة ارتكبت نفس الأثم لأنى رضيت عليه أنا أه مش هقدر أغيره بس بنكره لحد ما اموت إن شاء الله وربنا يثبتنا على الحق.
موضوعك جميل بس مش فى كل الحالات بيطبق المبدأ دا فى بعض الحالات زى اللى حضرتك ضربتى بيها مثال (الشباب والعمل)
أحب أنبه بس على أختى رشا على كلمة (أسعى يا عبد وأنا أسعى معاك) الكلمة دى خطأ.
وجزاكم الله خيرا
[/align]

[ابو مـازن]

الشغل بيجيب شغل

كلام سليم ... و حقيقي ... و بعدين الانسان بيشتغل في الشيئ اللي هو يقدر يشتغله ... و كمان الانسان مفروض يطور نفسه و يزود مهاراته عشان فرصه تزيد ...

اما بالنسبة لموضوع التأقلم ... ف زي ما قالت رشا و قال ابو حفص ... انا متفق معاهم ...

بس التغيير (اذا كان ممكن) يبأه بالحسنى ... و بالعقل و بالاقناع ... انما بالشدة او بالتطرف ... لا ... لان ده هيخلق مشاكل تانية اكبر ... و احنا في النهاية اعضاء في مجتمع واحد و ف نفس المركب ...

تحياتي

[rasha R]

المشاركة الأصلية كتبت بواسطة abo hafs

[align=center]
أحب أنبه بس على أختى رشا على كلمة (أسعى يا عبد وأنا أسعى معاك) الكلمة دى خطأ.
وجزاكم الله خيرا
[/align]

تسلم يابو حفص على التنبيه الصراحة انا رددتها يعني كباقي الناس ولم اعرف انها خاطئة ولكن ان شاء الله مش هرددها تاني مادام انها خاطئة
ربنا يبارك فيك على تنبيهك ليا
وجزاك الله كل خير