[Eagle_10st]

كشفت طبى وأخدت ورقة 110 جند ومكتوب لى فيها الترشيح ظابط احتياط, رغم إنى خريج تجارة وأسمع إنهم بيحتاجوا ظباط من طب وهندسة, مش من تجارة .. ودلوقتى أنا مستنى يوم الإرجاء فى 18/11.

السؤال, هل الترشيح ده معناه إنى لو دخلت الجيش 100% هدخله كظابط ولا معناه إنى مجرد مرشح مبدأياً ولسه الجيش هيختار بعضنا ظباط والباقى يكونوا عساكر؟

أصل الجيش بيستدعى كل الشباب للتجنيد ورغم ذلك بيجى عند يوم الإرجاء بياخد بعضهم ويترك البعض الآخر رغم لياقتهم لأداء الخدمة! عن طريق القرعة, لأنه أصلا ً كان مستدعى عدد أكبر من احتياجه من المجندين .. فهل هم بردوه بيرشحوا عدد أكبر من احتياجهم من الظباط وبيختاروا منه بعد كده جزء يخش اختبارات الظباط والباقى هينزل لمستوى عسكرى بغض النظر عن لياقته ليكون ظابط؟.. يا ريت أكون وضحت الموضوع, عشان أنا مش حاطت أمل كبير إنى أسقط فى اختبارات الظباط إذا وصلتلها.

تفرق كتير يا جماعة, العسكرى بيخدم فى الجيش سنة لكن ظابط الإحتياط 3 سنين!!

[Eagle_10st]

وفى موضوع تانى, اللى يعرف يقول ويكون له الشكر .. والدى متوفى وليا إخوات بنات أكبر وأخ ولد أصغر. يعنى كان ممكن أقدم كعائل للأسرة وآخد إعفاء مؤقت لحد ما أخويا يخلص دراسة, لكن أخويا هيتخرج السنة الجاية, يعنى هعلق جيشى مدة صغيرة وبعد ما أكون استقريت فى عمل هسيبه وأروح الجيش! فناس نصحونى مقدمش كعائل وأقدم عادى وأخلص من جيشى بدرى مادام كده كده هروحله السنة الجاية أو اللى بعدها لما أخويا يخلص دراسته ويمكن جيشه كمان.

طيب. بعد ما عملت الكشف الطبى واترشحت ظابط احتياط, هل ينفع دلوقتى أقولهم إنى عائل؟ خاصة ً إن ده والله أعلم ممكن يخرجنى من الترشيح كظابط احتياط اللى معايا دلوقتى.

والأهم هل ينفع أقولهم إنى عائل بعد يوم الإرجاء لو لقيت نفسى مأخدتش تأجيل وداخل الجيش؟ ولو ينفع هل بعد ما أخويا يخلص جيشه أنا هخش يوم إرجاء جديد بفرصة تأجيل جديدة, ولا هيعتبرونى مريت قبل كده بيوم إرجاء وأول ما أخويا يخلص هيدخلونى الجيش؟

[اشرف ف]

ربنا يوفقك
الى مايحب ويرضى
وتوقع انك ضابط احتياط وان رزقت الاعفاء فهذا فضل من الله
بمعنى توقع الاسوء فان جاء ما تتوقعه لم يكن ندمك قد جاوز الحد
وان جاء الافضل فرحت فحمدت الله
واجعل من التسبيح سلاحك
وكلها ايام وبتعدى واحنا خلصنا
والحمد لله نفسى اروح مره استدعى

[اشرف ف]

المشاركة الأصلية كتبت بواسطة eagle_10st

وفى موضوع تانى, اللى يعرف يقول ويكون له الشكر .. والدى متوفى وليا إخوات بنات أكبر وأخ ولد أصغر. يعنى كان ممكن أقدم كعائل للأسرة وآخد إعفاء مؤقت لحد ما أخويا يخلص دراسة, لكن أخويا هيتخرج السنة الجاية, يعنى هعلق جيشى مدة صغيرة وبعد ما أكون استقريت فى عمل هسيبه وأروح الجيش! فناس نصحونى مقدمش كعائل وأقدم عادى وأخلص من جيشى بدرى مادام كده كده هروحله السنة الجاية أو اللى بعدها لما أخويا يخلص دراسته ويمكن جيشه كمان.

طيب. بعد ما عملت الكشف الطبى واترشحت ظابط احتياط, هل ينفع دلوقتى أقولهم إنى عائل؟ خاصة ً إن ده والله أعلم ممكن يخرجنى من الترشيح كظابط احتياط اللى معايا دلوقتى.

والأهم هل ينفع أقولهم إنى عائل بعد يوم الإرجاء لو لقيت نفسى مأخدتش تأجيل وداخل الجيش؟ ولو ينفع هل بعد ما أخويا يخلص جيشه أنا هخش يوم إرجاء جديد بفرصة تأجيل جديدة, ولا هيعتبرونى مريت قبل كده بيوم إرجاء وأول ما أخويا يخلص هيدخلونى الجيش؟

هاينفع بس هاياخد وقت كبير اكتر من الاول
ونصيحه اللى يجيلك غصب اقبله بالراحه
ولما ييجى ميعادك الجديد هاتكون كما كنت يعنى فى نفس المكان ن ارجاء

[Eagle_10st]

المشاركة الأصلية كتبت بواسطة اشرف ف

هاينفع بس هاياخد وقت كبير اكتر من الاول
ونصيحه اللى يجيلك غصب اقبله بالراحه
ولما ييجى ميعادك الجديد هاتكون كما كنت يعنى فى نفس المكان ن ارجاء

تقصد فى نفس المكان "بدون" إرجاء ؟

المشاركة الأصلية كتبت بواسطة اشرف ف

ربنا يوفقك
الى مايحب ويرضى
وتوقع انك ضابط احتياط وان رزقت الاعفاء فهذا فضل من الله
بمعنى توقع الاسوء فان جاء ما تتوقعه لم يكن ندمك قد جاوز الحد
وان جاء الافضل فرحت فحمدت الله

ربنا يقدم اللى فيه الخير. الواحد بس بيعمل اللى عليه عشان زى ما ذكرت والدى متوفى ومحتاج للشغل فى السنوات ديه بدل ما أقضيها فى الجيش.. وجزاك الله خيراً.