[magoda5000]

السلام على جميع الاخوه والاخوات والمديرين والمديرات والمشرفين والمشرفات

الحقيقه ياجماعه الواحد زهق من العك الزمنى الذى عبث بعقولنا وحياتنا كثيرا فى الثلاثين عاما الأخيره

وبنظره جاده للامور أرى ان ذكريات الطفوله والشباب ليست دعوه للتخلف ولا للرجعيه كما يظن البعض

ولكن القصه كلها أن التاريخ سيكتب صفحاته ونريد أن يكون تاريخنا خالى من السفه والبلاهه

أيه رأيكم أن نسترجع ذكريات الدراسه الأبتدائيه مع كتب القراءه ويا خسارة كتاب التربيه القوميه

هل منكم من يذكر الكلمات الأولى التى تعلمناها فى الصف الاول الابتدائى مع المريله البيج والشنطه القماش والحذاء البنى الكاوتش

يااااااااااااااااه ههههههههههههههههههه

سابدأ بعد سوسن تلعب بالكره وعادل يلعب بالكره

قصة فيروز ورقبة الكوز

يلا ياجماعه حد يكون ذهنه حاضر ويكتب لنا القصه

وأنا سوف أذهب لصفحة الأعلانات القديمه لكتابة أعلان جديد

تحياتى

[master.ms]

موضوع جميل مجودا
انا طبعا ذكرياتى اكثر من 30 سنه بعشرين كده
بالظبط من اولى ابتدائى سبعة واربعون سنة ونصف
هههههههههههههههه
لكن اللى فاكره شوية
انهم كانو ابطال المواضيع فى كتاب القراءة
سوسن ونصر
والجملة المشهورة المتعلقة فى ذهنى
سوسن ونصر دخلو الفصل
بس
هو ده اللى فاكرة
لكن مع استمرار الموضوع سوف اتذكر

لكن من ذكرياتى ان
كان لنا استاذ لغة عربية
كان من الجمال الداخلى ما لا رأيته الى الان
كان الدرس يُشرح بالرسم على السبورة
لدرجة اننا كنا بنحفظ الدرس من طريقة رسمه

ربنا يعطيه الصحة انا بشوفه حتى الان وبقابله ويقابلنى بالاحضان

إن شاء الله لى عوده مع ذكريات الطفوله

[very egyption]

جاتلك الفكرة الجميله دي منين
انا ذكرياتي احدث شويه
ها ها ها
كانت من 40 سنه تقريبا لما دخلت المدرسه
ماكانوش سوسن وعمر

كانوا عادل وسعاد في الحديقه
ها ها ها
والله يرحمها مدرسه العربي بتاعتنا
اللي علمتنا ان الغش في الامتحان حرام
كنا بنمتحن وكانت جمله عشش العصفور على الشجرة
غششتنا مدرسه تانيه كلمه
عشهش العصفور على الشجرة
واخخخخخخخخخخخخخخخخخ
قفشتنا ابله عفاف وماقولكيش بقى

ومن يومها حرمنا

انا فاكرة كتير من ذكرياتي
وفاكرةخناقتي مع الناظر الشيخ سيد الله يرحمه
لما اتاخر في تسليمي الكتب لاني لما قبلوني في المدرسه
عافيه مني طبعا
ماكانش فيه كتب
فاخدت والدي ربنا يكرمه ورحت اتخانق مع الناظر عشان يديني الكتب
عيله مناكفه ها ها ها

وتصوري نجحت وكملت وكانوا فاكرني مش حانجح

ها ها ها
كانت ايام جميله وكنا ساعتها في ارمنت
شكرا على موضوعك الحلو ده
بيفكرني بايام صافيييييييه جدا

[magoda5000]

السلام عليكم

شكرا لكل من شارك فى الموضوع

وعلى فكره انا أيضا حضرت عادل وسعاد وكمان رأفت وسوزان لانى كنت فى سنه أولى ابتدائى عام 1966

على العموم نعود لذكرايتنا البريئه

قصة فيروز ورقبة الكوز كانت من قصص التوعيه الصحيه المدرسيه

كانت صديقتنا الصغيره فيروز تلميذه بالصف الأول الابتدائى

وطلبت من والدها المصروف وهى ذاهبه للمدرسه

ووجدت على سور المدرسه سيده عجوز تسمى رقبة الكوز

وكانت تبيع الحلوى المكشوفه للتلاميذ وأشترت منها فيروز قطعة حلوى

وبعد أن أكلتها ظللت تصرخ من ألم فى معدتها وذهبت ألى أبله الحكيمه

وقالت الحكيمه أن السبب هو قطعة الحلوى الملوثه ومنعت التلاميذ من الشراء من رقبة الكوز


هههههههههههههههههههه

والله ليت رقبة الكوز تعود ستكون حلوتها المكشوفه احن وأفضل لنا من أمراض العصر

على فكره جاءتنى فكره جديده والفضل يرجع لكم فيها بسبب تفاعلكم ومشاركاتكم فكرت أن هناك مجموعه من البشر لهم علينا فضل كبير

وهم فى طى النسيان (مدرسوا أبتدائى ياجماعه هافتح اليوم باب جديد أسمه تكريم قدامى المدرسين ونضع فيه كل قصصنا مع مدرسين ومدرسات

الأبتدائى ونقدم لهم جزيل الشكر عسى أن نجد أحد منهم أو أحد أبنائهم أو أحفادهم فنعرفهم كم تفانوا هؤلاء الجنود المجهولين فى تعليم أجيال كثيره

وصنعوا مستقبل نبكيه بالدم وليس بالدموع فما زرعهوه فينا أضاعته رياح ال............... تعلمون طبعا

فعلى كل من لديه قصه طريفه مع أساتذته فى المرحله الأبتدائيه فقط لأن الأعدادى والثانوى سيأتى لاحقا ان يشارك عسى أن نوفى ولو القليل

من فضلهم وربما نجد أحد من أصدقاء وصديقات الطفوله اللذين كانوا معنا فى هذه المرحله ولم نسمع عنهم من يومها

تحياتى للجميع وارد لمن شارك فى الردود الفضل فى هذه الفكره

[أسامة صلاح]

[align=center]
أنا من أيام أمل وعمر

علشان سوسن وعمر كانو شققين كتير
فالمدرسة شالت سوسن وخلت عمر
علشان الظاهر كان أبن الناظر

فبقى أمل وعمر
هههههههههههههه


وأنا من هذا المنبر
اذكر بالخير
أستاذ حسن مدرس الحساب
وأبلة نادية مدرسة العربى
وأستاذ عاطف مدرس العلوم
[/align]