النتائج 1 إلى 3 من 3
  1. #1
    hanybehery غير متواجد حالياً
    مصرى صاحب مكان
    تاريخ التسجيل
    Jan 2012
    المشاركات
    3,011

    افتراضي كلمات اوبريت الليلة الكبيرة

    اوبريت الليلة الكبيرة

    للمبدع صلاح جاهين



    قبة سيدنا الولي دول نوّروها
    ما أحلى البيادر والناس بيزروها
    قبة سيدنا الولي دول نوّروها
    ما أحلى البيادر والناس بيزروها
    قبة سيدنا الولي .. والقهوة عالية
    ما احلى البيادر لما نوّروها ..
    ما احلى البيادر لما نوّروها .....

    بتاع الحمص يقول :

    حمص حمص تل ما ينقص عالنار يرقص ..
    حمص حمص تل ما ينقص عالنار يرقص ..
    حمص حمص تل ما ينقص عالنار يرقص ..
    حمص حمص تل ما ينقص عالنار يرقص
    يرقص يرقص ويقول .. الي شاف حمّص ولا كلش
    حب وأتلوع ولا ولا طلشي

    تضحك الفتاة وتقول :

    يسترك هات حبة بقرش
    يضحك الاولاد
    ها .. ها .. ها
    حمّص .. حمّص .. حمّص
    حمّص .. حمّص .. حمّص
    أسعى .. أسعى .. أسعى
    حمّص .. حمّص .. حمّص
    حمّص .. حمّص .. حمّص
    أسعى .. أسعى .. أسعى

    مصوّراتي يقول :
    خدلك صورة ستة في تسعة
    أسعى .. أسعى .. أسعى
    خدلك صورة ستة في تسعة
    أسعى ... أسعى
    أسعى .. أسعى .. أسعى .. أسعى

    الناس في المولد يقولون :
    الله .. الله .. الله
    عجمبية .. باللوز .
    الله .. الله
    طعمية .. أراجوز
    الله .. الله .. الله .. الله .. الله
    أراجوز
    الله .. الله.. الله .. الله

    الاراجوز يقول :
    الليلة الكبيرة يا عمي والعالم كتيرة
    مالين الشوادر يابا من الريف والبنادر
    الاولاد يردودون :
    الليلة الكبيرة يا عمي والعالم كتيرة
    مالين الشوادر يابا من الريف والبنادر
    الاراجوز يقول :
    دول فلاحين ودول صاعدية
    دول من البلد ودول رشايده
    الاولاد يردودون :
    الليلة الكبيرة يا عمي والعالم كتيرة
    مالين الشوادر يابا من الريف والبنادر

    حوار بين الاراجوز والعمدة
    العمدة : يا حضرة الاراجوز قولي
    الاراجوز : نعم يا عمدة عاوز ايه
    العمدة : منين يروحوا المتولي
    الاراجوز : فتح يا اخينا وصلي عليه
    العمدة : اللهم صلي عليه
    الاراجوز : تمشي كده على طول على طول لحد ما تلاقي عمارة
    العمدة : لحد ما الاقي عمارة
    الاراجوز : تكسر يمين تلقى بتاع فول دكانته على ناصية حارة
    العمدة : دكانته على ناصية حارة
    الاراجوز : تدخل يمينك وشمالك شارعين وفي التالت تكسر
    العمدة : شارعين وفي التالت اكسر
    الاراجوز : على اليمين واخد بالك .. وتمشي على طول تتمخطر
    العمدة : وامشي على طول واتمخطر
    الاراجوز : تفضل كده تمشي وتلف .. وتخش من مطرح ما طلعت
    العمدة : واخش من مطرح ما طلعت
    الاراجوز : ولما تلقى مقلة لب .. تعرف بأنك تهت وضعت
    العمدة : ااه دي وصفة سهلة ..
    الاراجوز : سهلة اوي
    العمدة : ودي وصفة هايلة
    الاراجوز : مع السلامة .. مع السلامة .. مع السلامة يا ابو عمة مايلة
    الاطفال : مع السلامة يا ابو عمة مايله .. مع السلامة يا ابو عمة مايلة

    رجل يدعو الاولاد للتصويب بالبندقية في المولد يقول :
    فتّح عينك تاكل ملبن
    فينك فينك .. تاكل ملبن
    فتّح عينك تاكل ملبن
    فينك فينك .. تاكل ملبن
    أوعى لجيبك للعيب عيبك
    قرّب .. جرّب .. نشّن
    وسطن ايدك .. وسطن اضرب

    ضرب أحد الشباب بالبندقية واصاب الهدف

    فقال له صاحب البندقية :
    يحميك يا ابني تبقى غالبني
    قرّب خدلك حتة ملبن
    قرّب خدلك حتة ملبن ...قرّب خدلك حتة ملبن ...

    رجل يبيع العاب للأطفال يقول :
    فوريرة للعيل
    يا ابو العيال ميّل
    خدلك سبع فرارير
    زمّارة..شخليلة
    عصفورة يا حليلة
    طراطير يا واد طراطير
    الاولاد يردودون :
    طراطير يا واد طراطير
    طراطير يا واد طراطير
    طراطير .. طراطير.. طراطير ....
    طراطير .. طراطير.. طراطير ....

    في السيرك رجل يقول :

    الليلة .. اللية السيرك تعالو دي فرجة تساوي جنيه قولو هيه ..
    الاولاد يردودون :

    هيه .. هيه .. هيه
    بمناسبة هذا المولد يا ولاد زورنا يا ولاد
    الليلة .. الليلة السيرك تعالو دي فرجة تساوي جنيه قولو هيه
    هيه .. هيه .. هيه
    بمناسبة هذا المولد يا ولاد زورنا يا ولاد قولو هيه
    هيه .. هيه .. هيه
    في السيرك شجيع يهجم على السبع ويركب دغري عليه قولو هيه
    هيه هيه هيه
    وبنات قمرات زي الشربات حلوين مش عارف ليه قولو هيه
    هيه .. هيه .. هيه
    وكمان بلياتشو تعالو اسمعو ناتشو
    وشوفو حيعمل ايه قولو هيه
    هيه .. هيه .. هيه
    وكمان بلياتشو تعالو اسمعو ناتشو
    وشوفو حيعمل ايه قولو هيه
    هيه .. هيه .. هيه
    هيه .. هيه .. هيه .....

    رجل يستعرض عضلاته في السيرك يقول :
    أنا شجيع السيما
    أبو شنب بريمة
    أنا شجيع السيما
    أبو شنب بريمة
    أول ما اقول علي هب
    واصرخ لي صرخة
    ها .. ها .. ها
    السبع يتكهرب ويبقى فرخة
    حالا بالا سأصارع أسد أنما ايه متوحش
    وعخلي وجهه شوارع
    تصقيفه يا ناس ميصحش
    حالا بالا سأصارع أسد أنما ايه متوحش
    وعخلي وجهه شوارع
    تصقيفة يا ناس ميصحش
    تصقيفة يا ناس ميصحش

    الاسد وصل ويقول الرجل :

    اهو جه اهو جه .. تصقيفه بقى
    اهو جه اهو جه .. تصقيفه بقى
    تصقيفه اومال .. تشجيعه اومال
    تصقيفه اومال .. تشجيعه اومال
    تعالى لالي اللاي اللالي يا حبيبي تعالى لالي
    تصقيفه اومال .. تشجيعه اومال
    تصقيفه اومال .. تشجيعه اومال
    تعالى لالي اللاي اللالي يا حبيبي تعالى لالي
    فرقة موسيقية عابرة .. يقول رجل فيها :
    دقي يا مزيكا

    بياع يقول :

    السمك مقلي .. كل وبرقلي
    صنف زي الفل
    استخار واختار
    فشة أو منبار
    يلا يلا سمي وكل.. يلا يلا سمي وكل
    يلا يلا سمي وكل .. يلا يلا سمي وكل

    فتاة تغني وتدعو الأمهات ليباركن أولادهن وتقول :

    يا أم
    المطاهر رشي الملح سبع مرات
    يا أم المطاهر رشي الملح سبع مرات
    في مقامه الطاهر خشي وقيدي سبع شمعات
    يا أم
    المطاهر رشي الملح سبع مرات
    في مقامه الطاهر خشي وقيدي سبع شمعات
    يا عريس يا صغير علقة تفوت ولا حد يموت
    لابس ومغير وحتشرب مرقة كتكوت
    يا عريس يا صغير علقة تفوت ولا حد يموت
    لابس ومغير وحتشرب مرقة كتكوت
    يا أم
    المطاهر رشي الملح سبع مرات
    يا أم
    المطاهر رشي الملح سبع مرات
    في مقامه الطاهر خشي وقيدي سبع شمعات .....

    عالقهوة

    واحد مظبوط واتنين مصري
    عالنار حاضر جايلك دغري

    فنان يغني على القهوة ويقول :

    مساء التماسي .. مساء التماسي
    يا ورد قاعد على الكراسي
    مسا التماسي .. مسا التماسي
    يا ورد قاعد على الكراسي

    رجل جالس على القهوة يقول :
    هات شاي يا دقدق ..

    دقدق رجل القهوة يقول :
    عيني وراسي
    سمعنا يا ريس حنتيرة
    للصبح معاك السهيرة
    سمعنا يا ريس حنتيرة
    للصبح معاك السهيرة

    الجالسون على القهوة يقولون :

    سمعنا .. سمعنا .. سمعنا .. سمعنا

    الريس حنتيرة يغني ويقول :

    يا غزال .. يا غزال العشق حلال دوبتني دوب خلتني خيال
    يا غزال .. يا غزال العشق حلال دوبتني دوب خلتني خيال
    يااااااه .. يا شفتك فص فراولة .. ولا لا قوة ولا حول
    يااااااه .. يا شفتك فص فراولة .. ولا لا قوة ولا حول
    دوبتني قلبي على لولاه .. ااه يا غزال العشق حلال
    يا غزال العشق حلال
    يا غزال العشق حلال
    يـــــــــــــــــــــا ليل .... يــــــــــــــــــــــــا ليل
    يارب يا عالم بالحال .. تهدي حبيبي ويصبح عال
    يارب يا عالم بالحال .. تهدي حبيبي ويصبح عال
    واغني وارقع بالموال .. واقول يا غزال يا غزال
    يـــــــــــــــــا ليل

    صاحب القهوة يقول بغضب :
    وقّف يا ريس حنتيرة
    فيه ناس هنا قاعدة كتيرة
    ولا حد قال هات تعميرة ولا واحد شاي
    ولا حد قال هات تعميرة ولا واحد شاي
    اه .. الي حيطلب راح يقعد ولا ما يطلبش يبعد
    رجل جالس على القهوة يخرج بسبب ما قاله صاحب القهوة ويقول :

    يلا بينا نخرج يا مسعد شارع التورماي

    يكمل الريس حنتيرة غنائه ويقول :
    يــــــــــــا ليل .. يـــــــــــــــــا ليل
    يا غزال يا غزال العشق حلال دوبتني دوب خلتني خيال خيال
    يا غزال يا غزال العشق حلال دوبتني دوب خلتني خيال خيال

    رجل يريد القيام بلعبة اظهارالقوة يقول :

    ورينا القوة .. يا ابني انت وهو
    مين عنده مروّه وعاملي فتوة
    مين عنده مروّه وعاملي فتوة
    يقدر بقادرة على زق الطارة .. ويفرقع بومة

    رجل وقع في الفخ واعلن عن دخوله للعبة وقال :
    وسع .. وسع .. وسع
    أنا أزق الطارة وأضرب مية بومة
    ده أنا الاسطى عمارة من ضرب شاكما
    صيتي من القلعة للقلعة للسوق تلالة .....
    أنا واخد السمعة

    صاحب اللعبة يقول :
    طيب يلا تعالى

    الرجل :
    لا يا عم سعيدة
    دي البدلة جديدة

    صاحب اللعبة بسخرية :
    هأ هأ هأ سعيدة يا ابو بدلة جديدة

    الاطفال يقولون ايضا بسخرية:
    هأ هأ هأ سعيدة يا ابو بدلة جديدة ...

    الرجل الذي ترك القهوة السابقة فارا من كلام صاحبها يقول وقد وجد قهوة اخرى ومعه صديقه مسعد :

    إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
    أدي كمان قهوة .. يلا بينا يا مسعد .. ندخل على سهوة .. ايوه على سهوة

    ودخلو القهوة .. وكانت هناك من تغني وتقول :
    طار في الهوى شاشي وانت متدراشي ..يا جدع
    طار في الهوى شاشي وانت متدراشي ..يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    الرجال في القهوة يرددون :
    يا حلاوة .. يا حلاوة .. يا حلاوة .....ايوه
    هوى العصاري ياواد
    على سطح جاري ياواد
    هوى العصاري ياواد
    على سطح جاري ياواد
    خدني ورماني رماني عليك ولا انت داري
    طار في الهوى شاشي وانت متدراشي ... يا جدع
    طار في الهوى شاشي وانت متدراشي ... يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي
    الرجال في القهوة يرددون :
    يا حلاوة .. يا حلاوة .. يا حلاوة .....ايوه
    آآه يا ناري .. يا ناري
    منك يا جاري
    آآه يا ناري .. يا ناري
    منك يا جاري
    خدنى ورماني .. رماني عليك هوى العصاري
    طار في الهوى شاشي وانت متدراشي ...يا جدع
    طار في الهوى شاشي وانت متدراشي ...يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    صاحب القهوة الجديدة .. يؤكد على الموجودين .. ويقول كصاحب القهوة السابقة :
    ماشي .. ماشي .. ماشي كلامك
    آه الي حيطلب راح يقعدوالي ميطلبش يبعد

    الرجل يقول لصاحبه مسعد :
    يلا بينا نخرج يا مسعد شارع التورماي

    تكمل المغنية وتقول :
    طار في الهوى شاشي وانت متدراشي ...يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    مجموعة في المولد اكتشفو وجود اقارب لهم من نفس بلدتهم يقول احدهم :
    ناس من بلدنا هناك اهم
    روح يا ابراهيم اندهلهم
    سلامات .. سلامات .. سلامات على البلدايات
    سلامات .. سلامات .. سلامات على البلدايات

    منشدين دينيين يقول واحد منهم :

    ليلتكم أنس وجلجلة .. جلجلة .. جلجلة ..
    أنشد ولعلع يا ولة .. يا ولة .. يا ولة ..
    ليلتكم أنس وجلجلة .. جلجلة .. جلجلة ..
    أنشد ولعلع يا ولة .. يا ولة .. يا ولة ..
    شفت في منام صاحب المقام .. ده اوبه .. أوبه .. اوبه
    ويمامة حايمة عليه تسبح ربها
    يا نور النبي .. يا نور النبي .. يا نور النبي
    ميّلت فوق .....
    صحوني من النوم .. خدت بعضي وتني جي
    وبعودة .. وبعودة ... وبعودة

    أمراة تبحث عن طفلتها التي تاهت في المولد وتقول :

    يا أولاد الحلال .. بنتي تايهة طول كده
    رجلها الشمال فيها خلال زي ده
    يا أولاد الحلال .. بنتي تايهة طول كده
    رجلها الشمال فيها خلال زي ده

    رجل يقول :
    زحمة يا ولداه .. كام عيّل تاه

    وتقول الناس فى النهاية :
    الليلة الكبيرة يا عمي والعالم كتيرة
    مالين الشوادر يابا من الريف والبنادر
    زحمة يا ولداه .. كام عيّل تاه
    الليلة الكبيرة يا عمي والعالم كتيرة
    مالين الشوادر يابا من الريف والبنادر
    زحمة يا ولداه .. كام عيّل تاه

    وفى النهاية يؤذن المؤذن

    الله أكبر الله أكبر .. الله أكبر الله أكبر








  2. #2
    mame2010 غير متواجد حالياً
    الصورة الرمزية mame2010
    تاريخ التسجيل
    Mar 2009
    الدولة
    http://forum.egypt.com/arforum/forum.php
    المشاركات
    49,330

    افتراضي رد: كلمات اوبريت الليلة الكبيرة

    شـكــ وبارك الله فيك ـــرا لك ... لك مني أجمل تحية



    Come as guests, stay as family.

     Egypt.Com - منتدي مصر

     Egypt.Com - منتدي مصر

  3. #3
    hanybehery غير متواجد حالياً
    مصرى صاحب مكان
    تاريخ التسجيل
    Jan 2012
    المشاركات
    3,011

    افتراضي رد: كلمات اوبريت الليلة الكبيرة

    اقتباس المشاركة الأصلية كتبت بواسطة mame2010 مشاهدة المشاركة
    شـكــ وبارك الله فيك ـــرا لك ... لك مني أجمل تحية

    نورت الموضوع وشكرا على ردك



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. اوبريت الليلة الكبيرة- من مسرح العرائس
    بواسطة hanybehery في المنتدى منتدى الزمن اللى فات والتراث القديم والآثار
    مشاركات: 2
    آخر مشاركة: 05-02-2012, 10:54 AM
  2. خالد الصاوى ابن بلد فى الليلة الكبيرة
    بواسطة Liverpool في المنتدى ثقافة وفن
    مشاركات: 0
    آخر مشاركة: 01-12-2011, 09:50 PM
  3. دعاء الليلة الكبيرة بمولد أم المؤمنين ..فيديو
    بواسطة اخبار مصر في المنتدى اخبار مصر
    مشاركات: 0
    آخر مشاركة: 30-06-2011, 08:00 PM
  4. الليلة الكبيرة .....هالة احمد زكى
    بواسطة بدر الدجى في المنتدى مقالات صحفية
    مشاركات: 0
    آخر مشاركة: 29-10-2009, 01:30 PM
  5. الليلة الكبيرة للكرة الافريقية
    بواسطة أسامة صلاح في المنتدى منتدى كرة القدم العربية والعالمية
    مشاركات: 0
    آخر مشاركة: 09-11-2007, 05:40 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظه لمنتديات مصر 2013